蟹慶 (已結業)

間唔時就會想食蟹，想食蟹就會諗起蟹慶🦀 唔想 à la carte 嗌，叫set就最好，特選會席套餐乜都有啲，滿足哂我N個願望💖 整體上每一道都好味，上年食過一次，今次食覺得再好味咗添！⭐星星item係我今餐最愛：蟹肉三文魚籽沙律開胃，有一粒小炸蟹可以成隻咬，如果多幾粒佐酒幾好。甲羅燒配多士⭐ 蟹膏超多，醬汁好RICH，食過咁多間甲羅燒佢係TOP5時令刺身有四款，有我最愛嘅蝦蝦同拖羅黑魚子海膽蟹肉蒸蛋足料，JUICY，熱辣辣！日本時令活蟹 ⭐緊係食松葉蟹啦～ 新鮮就一定，因為係店養住即劏架！啖啖肉！喜之次 ⭐平時多數食刺身，原來煎香咗係咁正！肉身嫩滑，啖啖都有鮮味魚油，魚皮卜卜脆，魚邊啲細細嘅肉都唔好浪費呀，啜啜吓咁食好和味架！浜燒鱈場蟹腳 ⭐長腿我鍾意，唔點任何醬汁就咁食都鮮甜！松葉蟹釜飯又有蟹鉗！食極仲有好開心！汁物冬天飲熱湯點都好飲，最正係佢用茶壺上，細細杯慢慢嗒，有FEEL。甜品同寶寶一人一款唔使爭。奶凍加CHEESE CAKE為呢餐蟹宴完美作結。