Day and Nite by Master Kama (已結業)

成日見人上Day & Night打卡，心思思想食好耐，終於搵咗晚上去開餐。好多選擇，每樣都想食，最後同兩位朋友揀了呢個set餐食。1.Box 6 Appetizer六小缽一共total有六款日式小食，包括有枝豆,玉子燒,一口豆腐,蜆等，份量唔多，卻可以試多幾味，滿足口癮。2. 芝士蟹肉釀蟹蓋呢個蟹蓋由蟹肉,蟹膏,蟹子,魚子撈埋一齊，再焗成金黄色，食落非常香口，蟹膏香滑，加上蟹子同蟹肉，好香甜，而魚子都好新鮮，完全無腥味，撈落蟹膏一齊食簡直一流 。3. 王樣•雪場蟹海鮮紙火鍋呢個海鮮set拎黎打邊爐真係無得彈，非常新鮮，包括有花甲,海蝦同原隻雪場蟹，花甲有大約7-9粒，海蝦有兩隻，size都幾大，至於蟹就更加無得彈，size大之餘，啖啖肉，膏多到不得了，成個蟹蓋都係蟹膏，兩個人根本食唔曬。4. 蟹之雜炊呢個係由蟹膏同蟹肉煮成既粥，粥煮到好綿，食落又香又鮮甜。打邊爐除咗有海鮮set外，仲有蔬菜set，份量好足，菜既質素好靚，好鮮嫩。甜品- 呢個甜品好岩我心水，茶味濃，布甸香滑，不過份量有點細，食得唔夠滿足。