The Market

等咗兩個月，終於可以喺人氣餐廳食自助餐，餐廳唔算好大，但環境幾好，都幾舒服，見到噤多野食，唔想等啦，坐底後，即刻去攞野食。先食海鮮，款式好多，雖然無生蠔，但有我至愛嘅龍蝦，龍蝦好鮮甜，啖啖肉，長腳蟹及蟹箝厚肉彈牙，超級新鮮好味。刺身有三文魚，吞拿魚，帶子，甜蝦，八爪魚，好新鮮，尤其帶子好肥美。熱食種類比較少，但整體都好味，尤其煎鵝肝配蘋果蓉，魚子醬蟹肉多士，加埋鮮味十足嘅海鮮湯，非常好味，而中式湯椰子燉湯，椰子味好濃，好香好甜，飲一盅真係未夠，要飲多盅先滿足。燒牛仔肉，肉質腍滑多汁，羊架羶味唔算濃，好好味。最後甜品款式好多，最鐘意一小杯果凍，味道好多款，食多幾杯都可以。另外仲有貓山王甜品，雪糕，果凍，蛋糕，炸榴槤様樣有，貓山王味道清而甜，忍唔住要全部試晒。雖然要兩個月前訂位，但真係物有所值，值得推介。