生記粥品專家

營業中

休息中

日日都西式早餐，今朝粥癮起，加上早左起身，所以來這裡食番碗魚腩粥。八點未夠，都已有幾個客人在食粥，看樣子都是附近的街坊多。朝早不想啃骨，就叫了碗啖啖肉的魚腩粥。可惜這裡的油炸鬼是別處交來，不新鮮味道當然差好遠。例牌是附送一小碟豉油熟油及蔥絲和薑絲點魚腩，不能吃生的，唯有叫廚房大哥唔好淥咁熟，早餐食粥亦要了較稀的。晨咁早當然不能要求有新鮮魚腩，但都算係好鮮甜，粥底綿滑，沒有味精，仍舊有水準。埋單25蚊，雖然有點貴，但吃得飽飽的去開工又真係幾好。