更多
2022-03-23
1207 瀏覽
第五波疫情停咗晚市咁耐，少咗機會約朋友出街食飯。咁啱同朋友夾到平日一齊放假，所以約埋一齊嚟長沙灣呢間日系人氣cafe。店舖整間裝潢傢俬以柔和暖色木材為主，走簡約日系風格，有置身於日本cafe嘅感覺。平日午餐提供定食，基本定食再自選二至三款配菜。配菜選擇都幾多，好多都好吸引點餐後好快就上咗飲品，定食包括埋Americano或茶。我就另加$20轉Matcha latte，抹茶味濃郁但唔會過份苦澀，甜度適中帶奶香。春日定食擺盤好靚，睇落非常豐富！前菜沙律菜新鮮，仲有爽口嘅日本牛蒡。米飯煙韌黏糯，原來係北海道七星米，從米飯可見店家重視食材質素八丁味噌烤豬鞍扒份量比想像中大，厚切嘅豬鞍扒煎得剛好，中間仍然有少少肉汁，肉質唔會鞋。八丁味噌味道濃，但唔會太鹹。燒豚肉露筍卷以豚肉包住露筍，露筍完全無渣，配以甜甜地嘅日式照燒汁，幾惹味適合送飯食賣相好靚嘅鹽麴烤野菜串，有三色椒、綠色同黃色翠玉瓜、茄子同車厘茄。簡單以鹽麴調味，帶出蔬菜本身嘅甜味，表面烤至微燶，食落有燒烤香味流心芝士薯餅表面香脆，內裡薯蓉軟滑，中間芝士流心食完正餐當然要食埋甜品，今日就只有兩款由烘桌文化提供嘅甜點，分別係春日和光柚子撻同艾菲
店舖整間裝潢傢俬以柔和暖色木材為主，走簡約日系風格，有置身於日本cafe嘅感覺。
平日午餐提供定食，基本定食再自選二至三款配菜。配菜選擇都幾多，好多都好吸引
點餐後好快就上咗飲品，定食包括埋Americano或茶。我就另加$20轉Matcha latte，抹茶味濃郁但唔會過份苦澀，甜度適中帶奶香。
春日定食擺盤好靚，睇落非常豐富！前菜沙律菜新鮮，仲有爽口嘅日本牛蒡。米飯煙韌黏糯，原來係北海道七星米，從米飯可見店家重視食材質素
八丁味噌烤豬鞍扒
33 瀏覽
0 讚好
0 留言
八丁味噌烤豬鞍扒份量比想像中大，厚切嘅豬鞍扒煎得剛好，中間仍然有少少肉汁，肉質唔會鞋。八丁味噌味道濃，但唔會太鹹。
燒豚肉露筍卷
22 瀏覽
0 讚好
0 留言
燒豚肉露筍卷以豚肉包住露筍，露筍完全無渣，配以甜甜地嘅日式照燒汁，幾惹味適合送飯食
鹽麴烤野菜串
20 瀏覽
0 讚好
0 留言
賣相好靚嘅鹽麴烤野菜串，有三色椒、綠色同黃色翠玉瓜、茄子同車厘茄。簡單以鹽麴調味，帶出蔬菜本身嘅甜味，表面烤至微燶，食落有燒烤香味
流心芝士薯餅
38 瀏覽
1 讚好
0 留言
流心芝士薯餅表面香脆，內裡薯蓉軟滑，中間芝士流心
食完正餐當然要食埋甜品，今日就只有兩款由烘桌文化提供嘅甜點，分別係春日和光柚子撻同艾菲蘋果撻。
春日和光柚子撻
11 瀏覽
0 讚好
0 留言
柚子撻表面以高知柚子琥珀糖、白朱古力同糖漬山檸柑做裝飾，淡綠色嘅抹茶撻底裝住高知柚子甘納許，中間有一片榛子蛋糕。柚子味突出非常清新，跟抹茶味撻底配搭得好好
艾菲蘋果撻
83 瀏覽
0 讚好
0 留言
薄片艾菲蘋果砌成玫瑰花型，賣相滿分蘋果薄片無煮得過火，仍有少少爽口。撻中間嘅蘋果同一般蘋果批唔同，係無加糖同玉桂煮，食到嘅係艾菲蘋果嘅原汁原味。
總括嚟講主食質素高，而且配菜選擇多。甜點更加係必食！下次會再嚟試下其他嘢食。
張貼
