習作

營業中

休息中

周末帶🐩去散步去咗Pet Friendly小店揀咗榻榻米座位區🎐除餐飲區外 仲有寄賣點提供自選定食 小食 飲品 甜品☀️三款主菜 $220定食包括前菜 米飯🍚✢ 醬漬大啡菇伴烤洋蔥✢ 燒汁鳳梨五花肉 (+$10)✢ 和牛漢堡伴蕃茄紫蘇醬 (+$30)開放式廚房煎漢堡中 聞到超香😍所以即刻揀咗 味道唔錯但份量偏少價格偏貴 👦🏻唔夠吃整體以日系文青風格治療感滿滿的下午☕️環境: 💗💗💗美味度:💗💗💗推薦度: 💗💗💗

兩年後再訪習作估唔到生意差左咁多😱星期五夜晚都好靜未開始食仲有少少擔心係咪差左先咁靜？食完我可以話食物質素仍然同以前一樣咁好🥺90%食物都係好好味！全部都係有認真配搭雖然比起以前係少貴但咁有心做料理嘅餐廳真係好值得支持所以平時好懶寫食評嘅我都要出手了！咁多年仲keep到水準係好難得好驚佢地頂唔住🥺希望大家快啲去幫襯下💖是日精選：醬漬大啡菇燒雞泡魚干（完全唔係平日好乾果種！)以上係令我驚喜嘅好味其他食物都係好新鮮好好味的！唯獨覺得吉列紫蘇雞肉串比較淡味同埋烤蔬菜比較清淡🤣不過黎緊星期日佢地就轉menu上述嘅野大家未必食到嫁喇🤭但我相信新menu都唔會令大家失望的！我都會再去試菜的！😗本來想話習作要加油，但其實佢地已經做得好好了🥹咁希望食客加油，撐住佢地🥹我真係好鐘意哩間餐廳嘅味道希望以後都繼續食到佢地嘅創作

雖然天氣稍涼，由地鐵站行去這間位於長沙灣道的小店路程約10分鐘，還是會有點熱，在剛到達時心情確實有點煩躁，但到推開門的一刻，一度簡樸的木門，門邊的晴天娃娃，加上簡單自然的裝修，望着望着，人不其然就舒暢了💦！座位不多，榻榻米還要佔多數，如果需要坐正常座位，真的必須要特別聲明！我們選擇自選菜單上的$220套餐（包三款主菜、前菜及米飯），主菜選了燒雞泡魚干、燒汁鳳梨五花肉、和牛漢堡和甜品-無花果柚香金萱戚風蛋糕， 真心推介「燒汁鳳梨五花肉」，他們選用本地蕉徑楊生種植的鳳梨，甜美多汁，果然不同凡響！ 聽聞他們會盡量先考慮用上本地農作物，為的是推動本地農業，讓大家可以嚐到本地菜之餘亦可令這條供應鏈持續下去。另外，無花果柚香金萱戚風蛋糕亦非常出色，淡淡柚香甜味配無花果的微酸，加上口感濃滑軟綿，改變了我對戚風蛋糕的感覺，不得不提的，當然是那美得犯規的賣相！它美得連一直嫌棄無花果的朋友也說了句：「原來無花果係咁靚嘅！」這次用餐沒有點很多食物，未能寫出一篇詳盡的「食評」，但就這店舖的裝修、陳設、對食材的堅持、上碟時的擺盤等等，都能感受到他們的用心。用心經營是有溫度的，今天我感受到，期望這溫度能延續下去。

深水埗一向都係形形色色嘅cafe 同小店集中地，今次就嚟咗試一間日式榻榻米餐廳🎌- 習作，店內裝修用咗暖色系所以一入去嘅感覺好舒服同店外繁忙嘅街道形成好大嘅對比，好似鬧市入面嘅一片綠洲咁🏙️🏝️.我哋每人都叫咗個夏日便當(2品)，即係總共可以試4款主食，而且每個便當都會包一碟小前菜同飯🍚🧏🏻‍♀️🩵醬漬大啡菇伴烤洋蔥簡單嘅食材，但味道絕對唔簡單，大啡菇好厚肉🍄咬落去好多汁，而值得一提係面頭嘅蓮藕，佢個表皮有輕輕咁烤過，所以做到外層脆內層軟嘅感覺🪷而調味嘅醬油漬仲有陣陣甜味，洋蔥都煮得好淋，超開胃🩷南瓜蟹肉甲羅燒呢度甲羅燒就冇成個蟹蓋咁上碟，但可以見到蟹肉同蟹膏嘅份量好多，蟹肉好鮮甜，加埋上面海量嘅蟹膏，味道甘香幼滑🥰就咁食蟹膏可能會有啲膩，所以餐廳就加咗南瓜中和返🎃南瓜好甜，而且都有輕輕烤過表皮，真係估唔到一間小店可以煮到咁出色嘅菜色🦀🤤柚子秋葵冷蕎麥麵 (加$30）一般嘅便當就係配飯，個日太熱了冇咩胃口，所以我哋就有個餐加$30 轉咗個冷蕎麥麵🍜大熱天時食冷麵真係好舒服，而且個麵有陣陣嘅柚子香味，係更refreshing☘️吉列紫蘇雞肉串燒原本我以為個size 會係平時食燒鳥店嘅size，點

作為一個比錢食飯既食客，對餐廳有基本期望：野食放得落口；店員係番工mode 係好正常⋯⋯ 但依間餐廳完全係負分。🫠🫠🫠當日下午大概4點幾去到餐廳，冇其他食客，心唸：唔係吃飯時間應該正常⋯但原來事必有因餐廳開放式廚房，連樓面，共有四人。入去時，兩位店員坐係度同我打招呼say hello ⋯傷左條腰既我，以緩慢速度行入去坐⋯然後店員坐過來要我行出去點野食⋯唔緊要 照行⋯之後埋位等野食⋯期間店員除左指示我出去點野食，就冇其他服務，想要杯水，佢走嚟同我講自助，然後指住個方向叫我行過去，傷腰jack 唔係行唔到🚬但期間店內有兩位店員坐係我隔離吃雪糕，大大聲講笑⋯番工係番嚟指示個客自助🤯當野食嚟到時⋯唔明即煮，但其中一個餸已經攤凍左，影響味道。不論涼拌定主菜同白飯⋯都係failed,相當震撼⋯因為淋patpat 既飯、凍左無味既大菇同 個名好好聽 但原來係蛋花湯既收費，唔包野飲係180蚊⋯⋯相當無奈😮‍💨最不能接受的是，上完菜；四位店員視若無人的聲量高聲聊天，大聲講大聲笑，談話夾雜粗口⋯😶作為食客，眼前既食物，身後既嘈音，同整個經驗，完全未達到一間正常餐廳應有的水平；形象更和餐廳推廣的「好好生活」

之前經過深水埗，經過一間木系風格嘅小店，仔細睇先發覺到小店外嘅店名「習作」🚪，早幾日一於搵埋朋友仔去食個lunch入到去見到店內充滿木系日式格調，再行入啲見到有榻榻米座位，但要小先訂位，而店內仲有其他手作🪡、衫👕同鞋👟售賣🥢燒鯖魚冷秋葵蕎麥麵 🐟+ 凍美式 $98燒鯖魚燒到個皮脆卜卜，天氣咁熱，配埋個涼涼哋嘅冷蕎麥麵啱哂🍜🥢乾咖喱椰菜雞肉定食🐔 + 凍烏龍茶$88乾咖喱其實都唔算乾得哂，椰菜同雞肉外層都沾有咖喱汁，雞肉一啲都唔鞋🥢蜜糖黑醋豬軟骨定食🐷 +凍烏龍茶 $88豬軟骨好腍，好入味，送飯一流*平日12-3 pm提供，不時替換！

有時壓力大，去吓呢啲靚靚嘅日系小店都幾治療心靈，特別係佢啲野仲要幾好食。跟餐飲品係杞子菊花茶，味就無乜，不過見到咁靚嘅花茶心情都靚靚。定食擺盤同餐具都好有心思，豬軟骨好食，淋得嚟煮到入晒味，送飯一流。至於咖喱雞肉，配菜都食得出心思嘅，例如on top 嘅青椒紅椒都幾好食，反而啲雞肉好鞋，唔知係咪廚師失咗手？雞泡魚乾正正常常，幾香。其實嚟親呢啲小店，員工態度同裝修等等都好易睇得出有無心做，呢到個環境同擺盤等等，完全feel到店主用心，就算食品有少部分失手，都唔影響我比個正評佢。

今日難得入到深水埗，同朋友硏究完Openrice就決定要試吓習作。木系色調的小店，座位不多，裏面有榻榻米座位，不過這天已經被預約，我和朋友坐在門口旁的窗口位不過可惜已經轉咗Menu，朋友想試嘅已經唔係Menu上面叫咗兩份牛舌定食，同追加咗雞皮餃子和南瓜薯餅，價錢略貴牛舌：overcook…. un到呢….. 訓練牙力☹️雞皮餃子：OK嘅，幾香口，雞皮再脆d就好啦南瓜薯餅：很好吃，炸得好脆，裏面南瓜蓉甜甜的😋結論小食好食過主食 🫢

#豬bee出街街 難得天氣不似預期，豬爸豬媽帶矇豬Borbee🐽🐝 call @lalamovehk 出深水埗食午餐，順便打埋卡📍機緣巧合下，嚟到習作食飯🍝 一落車就見到道木系日式門口，一個營業時間牌，一個餐廳名，一個12-9營業時間🈺️推門一望，有三座窗口位，兩張四人座，三張榻榻米，一個products corner，最尾係🚾嘢食好食，店員同食客都勁nice，仲抱住豬bee環繞餐廳一周同所有人say hello👋🏻不過個人而言，啲飯太濕太黐，仲有兩餸$160，三餸$200，未計要加錢想食嘅嘢。對飲窮L嘅我哋嚟講，兩個人share三餸就差唔多，不過肯定唔夠飽🫠🫠🫠

門面低調到睇唔出佢係食肆，入到去忍唔住高呼咗一聲「好靚啊😍」成間舖嘅氛圍都好日系好舒服，榻榻米好吸引，不過唔想屈膝坐就揀咗坐檯。因為入座嘅時候已經係黃昏，所以係由天光坐到天黑，全餐飯都望住個窗，好治癒🪟因為我一直都好鍾意有窗嘅店，而且呢個窗好特別呢～就係有種好舒服嘅感覺☺️食物方面就還好，不過真係即叫即做，飯嘅質素偏向黏身，魷魚鬚最好食🦑賣相亦非常精美，呢個份量一人食應該都會幾滿足，不過我哋比較細食，所以只係嗌咗一個餐，加咗個甜品～甜品對我嚟講就真係差少少，雖然一向都偏好moist啲嘅蛋捲，但呢個過份moist，甚至係有啲黏，口感有少少奇怪🤔️ 不過可能佢係想做到咁嘅口感，純粹個人口味有差異～咖啡出乎意料有個咁靚嘅拉花🌿 一啖蛋糕一啖咖啡，瞬間為個甜品生色不少！整體用餐體驗唔錯，店員服務都好親切☺️會想二訪！💛

🙂 小編依晚唔係太肚餓，放工之後行咗落深水埗睇下附近有咩啱食，醒起好耐都冇食習作，試下有冇walk in位。最後問到有一人quota，準時交到枱就得啦！😉🍽 兩款主菜 - 酪梨天婦羅 + 京蔥火炙池魚片 😋😋😋😋😋依個定食包含三款前菜、漬物同米飯。小編第一次食酪梨天婦羅，三舊炸咗嘅酪梨🥑口感creamy，又唔會散開或熔晒，炸衣上放咗少許鹽吊味！😚 京蔥火炙池魚片有四小片，每片池魚都好炙燒得好挺身，咬落一梳梳，有淡淡魚味，配埋京蔥食好香！前菜同漬物都好出色，尤其炸過但凍食嘅一口玉子豆腐都好特別！😊🍰 山檸柑慕絲蛋糕 😋😋😋😋食落山檸🍋嘅酸味同皮嘅甘味都好出，海綿蛋糕入面嘅慕絲有啲少少柑🍊甜味，充滿鮮果味道！晚餐 💵💵💵💵💵💵 約港幣$260/人 💁🏻‍♀️ 依次係小編第二次幫襯習作，通常要確保有位都要上佢哋IG提供嘅link book枱，但都會開放少量walk in位。講真依個價格係有啲貴，但見到嘢食都顯得廚師有細心鑽研同烹調，而且都係當季嘅食材，久唔久去食一次都不為過！😌🙆🏻‍♀️ 最後，喜歡嘅話，歡迎follow @foodirectory.hk！

「習作」日式料理店位於深水埗，內裡裝潢以木為主題，坐位有榻榻米和座椅兩款，可網上訂位時指定坐位。咖啡店內，除了有餐飲區外，還有精品售賣及陶瓷工作室，不時會舉辦陶瓷工作坊，非常有藝術氣息。食物方便，大家可以選擇兩款，主菜或三款主菜套餐，而我們選擇了兩款主菜的套餐，這個套餐可以已包括三款前菜、漬物及米飯。「酪梨天婦羅」（素食）即是牛油果天婦羅，香脆美味，酥脆的炸粉非常薄，配上軟軟的牛油果。「蕃茄長芋芝麻菜沙律」（素食）清爽開胃，前菜之選！「湯葉玉子唐辛子煮」（素食）味道有點像關東煮，有淡淡的湯襯托著像一幅小布的玉子。「京蔥火灸池魚片」淡淡的京蔥香味，襯托著鮮味有肉質感的魚肉，加上一點點的醬油作點綴。「蜜糖黑醋汁燒松阪豬」香口不濃味，加上米飯吃，非常配。

🍂迷你冬瓜伴牛蒡絲🍂涼伴小松菜🍂大學芋🥢秋冬筑前煮🥢香蒜牛油香草杏飽菇🥢味噌大葉肉末茄子🥢玉子味噌燒鯖魚🥢南蠻雞佐塔塔醬🥢柚子胡椒豆腐豚肉煮.⚡️仲記得當日同佳人上陶瓷班後，帶佢一同到訪習作，亦即係小女子嘅comfort cafe之一，今次佢地已換上秋冬menu，可以一嚐溫暖滋味🍲.⚡️咁多款小菜尤為喜歡🍄香蒜牛油香草杏飽菇，每粒都飽滿又多汁，🐟玉子味噌燒鯖魚最令人驚喜，完全冇估到會咁大條🤣而且烤嘅程度恰到好處，皮脆肉嫩，非常惹味香口🥰

我好喜歡時不時回訪這間日式咖啡店，除咗因為店內外都是木系風格之外，此店的定食料理是季節限定，因應當季有什當做食材而設計的，所以每次都食到不一樣的美食💛兩款主菜定食 (HK$160)．餐牌上寫巳包3款前菜和日本米飯前菜：．黑芝麻炸大學芋，厚切、甜蜜．涼拌小松菜配有蛋絲和紅蘿蔔絲，酸甜、醒胃．本地有機迷你冬瓜伴牛蒡絲，軟腍、清甜香蒜牛油香草杏鮑菇．炒得軟腍，滿香蒜牛油香，好入味，好好味😋玉子味噌燒鯖魚 (+HK$20)．好大條，食完真心會好飽！．玉子味噌甜甜地，令鯖魚特別鮮甜美味，配米飯一流．建議小心啲和慢慢食，因為有大魚骨也有些少小骨喔！深烘焙烏龍茶鮮奶 (+HK$20)．呢款烏龍茶特別濃厚，口感奶滑純素無花果焙茶爆谷蛋糕卷 (HK$58)．出品自 Koke Lab．一件捲蛋，大件好厚身，有多層次味道： - 半個新鮮無花果好清甜和甜蜜 - 純素焦糖豆乳忌廉，薄薄一層巳有好香豆乳香 - 滋賀焙茶醬有奶滑口感，好濃稠的焙茶味 - 厚厚的焙茶海綿蛋糕，入口軟綿綿的，濕潤度剛好 - 上面有自家製的焦糖爆谷，脆口，焦香不太甜

得樣好睇，啲野難食魚超腥，牛肋肉超級韌，炸雞又太甜，咖啡又太水，連白飯都衰埋，太淋，俾左意佢都覺得啲牛係咁，啲魚係咁腥，鬼唔知魚會咩，就係你功力唔夠麻，重醒過屋企煎，開咩店？