Jan Jan 串揚專門店 (尊豪坊) (已結業)

都唔知幾耐無出去食過飯啦，難得一次出去食，實要揀啲喺屋企食唔到嘅嘢食啦。我同朋友竟然一致都揀咗食串揚。上次嚟食過，大家都食到回味無窮。今次就嚟食個居酒屋午餐。女仔比較細食，所以我地都揀咗4串套餐，其實4串都仲包主菜1款同飲品1款。串揚我就揀咗特色果幾款，雖然要加錢，但真係值！最鍾意係北海道帶子同黑松露芝士！雖然話串揚專門店，串燒都味道唔錯㗎，火候都控制得幾好，串串都好味。主菜揀咗燒飯團，同朋友一邊食串燒一邊吹水真係好解壓。呢間餐廳真係好適應同朋友聚會，氛圍舒適，食物質素都唔錯。推介。