新澳咖啡餐室 (民泰街) (已結業)

黃埔又有新茶記！呢間新澳感覺係追住紅磡茶餐廳去打，點解咁講？因為佢最出名嘅竟然係常餐！以佢嘅招牌炒蛋的確好出色！對比起紅磡茶餐廳都係差緊啲啲！但係佢個麵包竟然用豬仔包仲要配蒜蓉汁，呢下贏咗！呢個常餐仲有個番茄通粉，雖然蕃茄味唔濃，但係個肉幾好食！依家最估唔到，個叉燒炒意粉係咁出色！豉油王嘢味！炒落又唔會太乾！裝潢方面，佢哋比紅磡茶餐廳出色！因為有主題！係模型，係巴士，總之好有情懷！啲夥計都幾Nice ,感覺上好似去咗好多次！