影片
更多
2021-11-18
270 瀏覽
星期三晚難得過左去元朗，一定要食餐好既，一於去食鐵板燒。「和」二人前套餐$1680+1，真心正，食過返尋味！沙律: 哈蜜瓜、Parma ham包住蘆筍、蓮芋、車厘茄，配西柚汁幾清新，配搭豐富，擺盤亦好精緻。前菜: 炸小澤蟹仔、鮟鱇魚肝配檸檬碎炸蟹仔好脆，成隻都可以食，鮟鱇魚肝浸過牛奶，無腥味，口感綿滑。海鮮:南非鮑魚鮑魚以鹽焗製，口感彈牙，味道新鮮，而且好大隻。北海道帆立貝屬於刺身級，一隻配三文魚籽，一隻配黑松露，再配以海膽忌廉汁。帆立貝鮮甜厚身，外層煎得幾香，內裡嫩滑，好好食。深海紅寶石—喜知次亦係刺身級，配以明太子忌廉汁。喜知次外皮煎得香脆，魚肉軟嫩，好有驚喜。大虎蝦超級大隻，蝦膏香口，蝦肉彈牙爽口，好出色。鵝肝肥美既鵝肝有焦糖面，多士超級脆口，配以黑醋超好食，再食埋鳥取水晶梨解膩，享受。特定牛肉: 封門柳要五成熟，肉質軟腍，有牛味，正。炒飯材料豐富，有煙肉、雞蛋、洋蔥、甘荀、青椒、青蔥，炒得乾身，味道好豐富又惹味。時令湯: 魚湯好濃郁，好飲。甜品: 芝士同黑芝麻雪糕芝士味雪糕充滿鹹香味，好特別；黑芝麻味道香濃又幼滑，飲埋杯洛神花茶消滯。 最後仲送埋焦糖多士俾我地，好好食！
「和」二人前套餐$1680+1，真心正，食過返尋味！
沙律: 哈蜜瓜、Parma ham包住蘆筍、蓮芋、車厘茄，配西柚汁幾清新，配搭豐富，擺盤亦好精緻。
前菜: 炸小澤蟹仔、鮟鱇魚肝配檸檬碎炸蟹仔好脆，成隻都可以食，鮟鱇魚肝浸過牛奶，無腥味，口感綿滑。
海鮮:
南非鮑魚鮑魚以鹽焗製，口感彈牙，味道新鮮，而且好大隻。
北海道帆立貝屬於刺身級，一隻配三文魚籽，一隻配黑松露，再配以海膽忌廉汁。帆立貝鮮甜厚身，外層煎得幾香，內裡嫩滑，好好食。
深海紅寶石—喜知次亦係刺身級，配以明太子忌廉汁。喜知次外皮煎得香脆，魚肉軟嫩，好有驚喜。
大虎蝦超級大隻，蝦膏香口，蝦肉彈牙爽口，好出色。
鵝肝肥美既鵝肝有焦糖面，多士超級脆口，配以黑醋超好食，再食埋鳥取水晶梨解膩，享受。
特定牛肉: 封門柳要五成熟，肉質軟腍，有牛味，正。
炒飯材料豐富，有煙肉、雞蛋、洋蔥、甘荀、青椒、青蔥，炒得乾身，味道好豐富又惹味。
時令湯: 魚湯好濃郁，好飲。
甜品: 芝士同黑芝麻雪糕芝士味雪糕充滿鹹香味，好特別；黑芝麻味道香濃又幼滑，飲埋杯洛神花茶消滯。
最後仲送埋焦糖多士俾我地，好好食！
張貼
