影片
更多
2009-05-11
33 瀏覽
真係要認自己out...蓮香樓開分店咁大件事，阿媽唔提起都唔知嗱...其實阿媽提議去我都仲未信十足...但由皇后街望上去全層白光光管已經好驚艷...嘩！ 呢間真係蓮香喎！ (當然見到大招牌更無懸念)阿媽一向對母親節上中餐館有少少保留畢竟上環有邊一間酒樓唔係全日一張menu開天殺價呢但蓮香居真係開左個突破...原本都打算叫$418個四人餐, 但咁啱一叫就賣晒於是散叫: 竹笙扒菜心, 例牌貴妃雞, 椒鹽蝦, 火鴨羹, 白飯竹笙扒菜心 (只有3-4片竹笙) 同椒鹽蝦 (都有四隻大蝦喎) 都係無失手亦無驚喜; 火鴨羹用料足, 啖啖瑤柱冬菇鴨肉, 湯底合格, 好! 但貴妃雞就大鑊, 製法完全正確, 但完全無雞味(即係死得)。其實唔應該怪人地, 因為侍應一開始推薦乳豬架... 難怪全日仲賣剩3隻講到底蓮香最正係無母親節無良附加費: 全晚埋單HK$280, 三個人都好滿意. 尤其阿媽仲好歡喜全日免收加一政策, 應該之後成日要過來飲茶. 我完完全全無異議喎!值得注意係裝修用具: 由桌椅(超堅固超懷舊, 一定係特別訂造), 質感上色都好一致嘅餐具, 餐牌, 主題顏色(深木色與亮白油漆), 燈光都係同出一
嗱...其實阿媽提議去我都仲未信十足...但由皇后街望上去全層白光光管已經好驚艷...
嘩！ 呢間真係蓮香喎！ (當然見到大招牌更無懸念)
阿媽一向對母親節上中餐館有少少保留
畢竟上環有邊一間酒樓唔係全日一張menu開天殺價呢
但蓮香居真係開左個突破...原本都打算叫$418個四人餐, 但咁啱一叫就賣晒
於是散叫: 竹笙扒菜心, 例牌貴妃雞, 椒鹽蝦, 火鴨羹, 白飯
竹笙扒菜心 (只有3-4片竹笙) 同椒鹽蝦 (都有四隻大蝦喎) 都係無失手亦無驚喜; 火鴨羹用料足, 啖啖瑤柱冬菇鴨肉, 湯底合格, 好! 但貴妃雞就大鑊, 製法完全正確, 但完全無雞味(即係死得)。其實唔應該怪人地, 因為侍應一開始推薦乳豬架... 難怪全日仲賣剩3隻
講到底蓮香最正係無母親節無良附加費: 全晚埋單HK$280, 三個人都好滿意. 尤其阿媽仲好歡喜全日免收加一政策, 應該之後成日要過來飲茶. 我完完全全無異議喎!
值得注意係裝修用具: 由桌椅(超堅固超懷舊, 一定係特別訂造), 質感上色都好一致嘅餐具, 餐牌, 主題顏色(深木色與亮白油漆), 燈光都係同出一轍, 一絲不苟. 我最佩服係成個包裝無一絲妥協, 又無畫蛇添足整色整水, 總之總店無假天花呢度都要無, 總店樓下賣餅呢度照跟, 總店用紅磚呢度又要用, 總店茶水間中門大開, 呢度要擺喺全場正中心, 俾四方八面嘅食客都聽到碗碗碟碟五重奏.
新裝修都有唔同: 場所大左又有一排大窗, 咁地方梗係光猛又闊落, 更加似幾十年前嘅中式酒樓格局, 熟客終於可以安安樂樂歎下茶. 仲有廁所: 竟然係用黃光射燈, 柔和效果調校得好好. 線條俐落簡潔, earth-tone用色好plain但舒服, 夾到整體氣氛. 重點係男廁用左公廁先見到嘅尿槽, 成件事平民返.
整體絕對係高手之作. 須知道呢度本來唔係清水房, 係一間開左幾年嘅海鮮酒家---如果佢地肯妥協, 其實可以留晒所有或者部分裝修; 老闆又可能覺得要跟上潮流或者想執正個環境, 整到靚靚咁, 收埋晒所有噪音同污糟野; 設計師可能又想幫老店"注入生氣", 搞"創新"整色整水. 蓮香無, 好勁.
成日見到好多老店/新餐廳想用好多千奇百怪嘅裝修去提升自己嘅價位, 或者突破同行傳統....但裝修最後始終係陪襯, 蓮香呢個價位呢個質素, 搭呢個裝修真係錦上添花. 如果香港室內設計界有個獎, 唔該提名蓮香居---實在有太多香港人需要認識咩叫品牌體驗, 咩叫用心良苦!!
張貼
