阿木台灣麵 (廣華街) (已結業)

上次同朋友食完阿木覺得好好食，所以就帶埋男朋友去食，個日係星期五，但係一樣都係好多人排隊，我地排左大約二十至三十分鐘左右就有得入座，不過太多人等，佢地會問你介唔介意搭枱，結果我地坐卡位的其中一邊。我今日先見到，原來個到有一個老闆娘(?)職員(?)係台灣人，令人好有去左台灣的感覺。今次我地叫左鹽酥雞和鹽酥肉便當，加各加半價飲珍珠奶茶和仙草奶茶，男朋友就想食花枝丸，所以叫多一客花枝丸小食。我第一次試呢個鹽酥肉，見佢餐牌推介，所以就叫下，其實佢味道都ok，但我略嫌肥左少少，我比較鍾意鹽酥雞多啲，下次有機會我想叫排骨，其實份量都唔少，都同上次一樣係咁好味。今次唔同係我叫左仙奶草，都幾滑幾好味。炸花枝丸係幾好味，但本身份餐都大份，所以叫埋小食真係好飽，其實唔叫都ok。以下評分以5⭐️為滿分⭐️⭐️⭐️⭐️