影片
更多
2019-07-10
1090 瀏覽
喺沙田第一城附近番工，夜晚想搵間好啲嘅中菜都有難度🤦🏻♀️ 今日問左好多同事，終於有人推介左「譽宴·星海薈」比我，仲要搭一個站就到石門，所以夜晚就去試下😍我地一行兩人同以往一樣，極度眼闊肚窄，總共叫左3餸1湯1甜品，食到捧住肚走。先來嘅係原盅燉湯。燉湯用料十足，湯底滲滿雞嘅鮮味，亦帶牛肝菌本身嘅香味，重點係湯面唔會有一層油，飲落濃而不膩。之後有我嘅最愛——蜜汁黑豚肉叉燒。淨係賣相已經相當吸引，肥瘦相隔嘅叉燒層次豐富，豚似夠哂軟腍，蘸上甜甜的蜜汁係一大滋味！我地亦叫左清蒸虎杉斑。杉斑上枱擺得幾架勢！食落肉質嫩滑，味道夠鮮。另外骨唔算太多，食得幾方便👍🏻最後，我地仲叫左個甜品。口感同新年食嘅「黃金糕」好相似，而味道則是香濃嘅紅棗。呢餐食得好滿足，除左野食質素高外，譽宴·星海薈嘅環境都相當舒適，幾適合一家大小黎飲茶食飯。加上Courtyard Marriott門口有大量巴士小巴，又近港鐵石門站，所以交通係超級方便，我以後應該會成日黎！
我地一行兩人同以往一樣，極度眼闊肚窄，總共叫左3餸1湯1甜品，食到捧住肚走。
先來嘅係原盅燉湯。燉湯用料十足，湯底滲滿雞嘅鮮味，亦帶牛肝菌本身嘅香味，重點係湯面唔會有一層油，飲落濃而不膩。
之後有我嘅最愛——蜜汁黑豚肉叉燒。淨係賣相已經相當吸引，肥瘦相隔嘅叉燒層次豐富，豚似夠哂軟腍，蘸上甜甜的蜜汁係一大滋味！
我地亦叫左清蒸虎杉斑。杉斑上枱擺得幾架勢！食落肉質嫩滑，味道夠鮮。另外骨唔算太多，食得幾方便👍🏻
最後，我地仲叫左個甜品。口感同新年食嘅「黃金糕」好相似，而味道則是香濃嘅紅棗。
呢餐食得好滿足，除左野食質素高外，譽宴·星海薈嘅環境都相當舒適，幾適合一家大小黎飲茶食飯。加上Courtyard Marriott門口有大量巴士小巴，又近港鐵石門站，所以交通係超級方便，我以後應該會成日黎！
張貼
