CHEF STAGE de Eddy Chu (已結業)

環境唔錯，系亞士厘道一棟商業大廈既19樓，雖然附近樓景一般，但勝在開揚，坐近窗邊都幾好FEEL。午餐$128起，有沙律、餐湯、餐包、主菜、飲品及甜品，基本上系非常足夠，for business lunch都唔錯。午餐加$55會有海鮮拼盤，當中包括生蠔、鮑魚、日本刺身帶子、鮮蝦及蟶子刺身 – 整體非常新鮮，生蠔大大隻，蠔味同海水味都夠balanced，Yummy! 醬煮鮑魚軟腍入味，仲幾爽滑; 蟶子刺身仲用冰鎮住，超級爽口彈牙，食落真系“short short”聲，好鮮甜!!!餐湯系粟米叉燒湯，粟米味香味撲鼻，又煮得幾好飲，唔系罐頭湯果D甘簡單，而且仲有粒粒叉燒肉，估唔到呢個配搭又幾好，個湯都幾impressive幾特別。燒美國牛肉眼 ($178) – 牛扒都幾大塊，最少有10安士重，而且幾厚肉，火候控制得不錯，燒得幾Juicy多汁，而且肉質幾軟腍，牛味都幾濃，質素好好。同其他餐廳DINNER $300塊果D差唔多，而且呢度仲有成個Set，性價比都唔錯。是日甜品系Chocolate Cake ，跟餐送既甜品仲有少少擺碟既心思，個Cake幾鬆軟，朱古力味剛好唔會太濃，飯後食唔會太膩。