影片
更多
2018-08-20
91 瀏覽
期待已久，食海鮮蒸鍋嘅日子終於來臨；之前上IG見到朋友post咗幾張蒸海鮮嘅相，最吸引眼球嘅就係啲膏多到滿瀉嘅膏蟹；身為海鮮迷而尤為鍾意食蟹嘅我，梗係即刻打電話訂枱同friend食啦。心急嘅我哋夜晚六點人哋啱啱開舖就已經到咗餐廳。餐廳地方唔大，裝潢比較簡樸，一頂頂吊起咗好似越南草帽嘅物體，其實係蒸鍋嘅蓋嚟，牆上仲有一幅幅大海鮮嘅相，即時食指大動，美食當前坐得迫少少又算得係乜。餐廳有三種價錢嘅套餐供選擇，分別係$198、$298同$688/位。店員介紹$688/位嘅係「至尊推介」，材料珍貴稀有，需要提前兩日預訂，當中最正係隻黃膏肉蟹，係千挑萬選揀出嚟架。店員叫我哋先試$298/位嘅套餐先，同$198比主要分別係多咗龍蝦；蟹亦更大隻，其他海鮮都較高質。只係相差$100，唔駛多諗啦～一開波先將南瓜、排骨、粟米同米放入鍋底煲粥。粥底原價$48，推廣期內免費奉送。店方有晒各種食物烹調時間俾食客參考，可以自己set時間去蒸，確保熟晒之餘又保證唔會蒸太耐而失去鮮味。先嚟【泰國海中蝦】，蝦肉食落好爽甜，蝦頭部份亦有唔少蝦膏，yummy~【澳洲青年龍蝦(2人1隻)】龍蝦有少少膏，而且都幾多肉，肉色雪白而
心急嘅我哋夜晚六點人哋啱啱開舖就已經到咗餐廳。餐廳地方唔大，裝潢比較簡樸，一頂頂吊起咗好似越南草帽嘅物體，其實係蒸鍋嘅蓋嚟，牆上仲有一幅幅大海鮮嘅相，即時食指大動，美食當前坐得迫少少又算得係乜。
餐廳有三種價錢嘅套餐供選擇，分別係$198、$298同$688/位。店員介紹$688/位嘅係「至尊推介」，材料珍貴稀有，需要提前兩日預訂，當中最正係隻黃膏肉蟹，係千挑萬選揀出嚟架。店員叫我哋先試$298/位嘅套餐先，同$198比主要分別係多咗龍蝦；蟹亦更大隻，其他海鮮都較高質。只係相差$100，唔駛多諗啦～
一開波先將南瓜、排骨、粟米同米放入鍋底煲粥。粥底原價$48，推廣期內免費奉送。
店方有晒各種食物烹調時間俾食客參考，可以自己set時間去蒸，確保熟晒之餘又保證唔會蒸太耐而失去鮮味。
先嚟【泰國海中蝦】，蝦肉食落好爽甜，蝦頭部份亦有唔少蝦膏，yummy~
【澳洲青年龍蝦(2人1隻)】龍蝦有少少膏，而且都幾多肉，肉色雪白而爽彈。朋友們見到都雙眼發光流晒口水，大滿足！
【越南頂角膏蟹(2人1隻)】真係不得了，以為IG見到嘅相只係朋友好彩咁啱食到隻多膏嘅，原來隻隻都真係爆晒膏，蒸完啲膏仲漏晒出嚟，誇張。除咗多膏，肉質都好鮮好爽甜；作為蟹迷真係幸福。
【翡翠九孔鮑魚】蒸完冇縮水，勁彈牙又鮮美。
【越南貴妃蚌】大大隻貴妃蚌，又係鮮甜到不行，連蒸完留喺蚌殼上面嘅水我都飲埋。
【深海龍躉片】之前食過龍躉片肉質幾實幾韌，但呢幾片就好滑身，而且魚味濃郁，正~
【紐西蘭青口】有啲大粒有啲細粒，味道冇乜特別。
【紐西蘭蟶子皇】冇想像中咁大隻，還好夠fresh夠pure。
【有機蔬菜籃】都喺套餐入面，有黃芽白、生菜、粟米同南瓜。食咗咁多超正海鮮梗要食返啲蔬菜balance吓。初初以為係普通嘢但食落係意想不到嘅甜，連一向多肉少菜嘅肥仔朋友都食咗好多，hahaha
食完蒸鍋，粥亦都煮好啦。可能我哋食得太快，個粥唔夠綿。不過吸收咗海鮮鮮味嘅粥真心正，最後當然都係一滴不留食晒~
【椰汁官燕燉雪燕】食完粥底仲未完架，最後仲有甜品。味道不錯，養顏一流，可惜稍為唔夠熱。
除咗海鮮套餐，餐廳仲供應一般火鍋配料 - 肉類、丸/餃/滑、蔬菜麵食響鈴都有。不過食完都夠晒飽，下次同幾個擦得之人再嚟食先得～不過一定要訂位，我哋六點開始食，不斷有訂咗位嘅客人入座，六點半已經差不多坐滿晒，香港果然多識食之人。
張貼
