蟹仙海鮮蒸氣鍋 (仁愛街)

Crab Fairy (Yan Oi Street)
393
21
33
所有分店 (5)
電話號碼
25656118
營業時間
今日營業
12:00 - 00:00
星期一至日
12:00 - 00:00
付款方式
AlipayHK 支付寶 現金
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
VIP房
泊車
電話訂座
賞訂座積分
外賣服務
加一服務費
當面支付
以上資料只供參考, 請與餐廳確認詳情
食評 (488)
等級4 2022-07-01
4 瀏覽
今日同屋企人行Mikiki,到了晚飯時間有人提議食海鮮,諗起附近有間食蒸氣鍋海鮮,大家都贊成《蟹仙海鮮蒸氣鍋》。海鮮套餐包括多種海鮮,店員教路,海鮮由淡味先吃,日本野生赤蝦~肉質唔錯,台灣九孔鮑魚~爽口彈牙有口感,韓國慶南珍珠蠔~蠔味香濃,日本大元貝~蒸嘅時間剛剛好,十分新鮮,紐西蘭月亮貝~這個第一次吃,帶點點海水鹹味,大西洋野生青口~脹卜卜,咬落鮮甜,太平洋饅頭蟹~饅頭蟹生長幾千尺海底下,繁殖嘅時候會游上交淺嘅水域先至會被捕捉到,十分罕有,饅頭蟹嘅肉質比一般蟹鮮甜,澳洲青年龍蝦~龍蝦肉充滿整個龍蝦殼,肉質比較厚實,大黃奄蟹~這個確是不得了,一定要讚,鹹蛋黃般的蟹膏超級香,越食越滋味。有機蔬菜籃~蔬菜粟米都好新鮮。食完蒸嘅最後就係下面嘅粥底,完全接收曬樓上蒸海鮮嘅精華,成個粥味道好鮮甜,粥底本身有排骨及芋頭,食落好香,最後加入蔥花及菜脯。店員會全程調教時間蒸熟海鮮及上碟,服務周到。送咗個炸魚皮,又香又脆,食嘅時候仲熱熱地。海鮮用蒸嘅食法真係鮮好多,完全可以保存海鮮原有的肉汁,海鮮的精華一滴不漏,食落特別美味。最後送多個椰汁雪耳糖水,冰凍可口。 繼續閱讀
(以上食評乃用戶個人意見 , 並不代表OpenRice之觀點。)
考完試要好好慶祝,約咗屋企人去擦海鮮餐😋一致通過要去[蟹仙海鮮蒸氣火鍋]🦀 🍴🦀🦀這裏海鮮出名夠時令,以清蒸嘅煮法保留原汁原味!先以蒸爐高溫加熱消毒食具。也有各款調味和醬油。餐廳提供幾款海鮮套餐價錢由$299 起,亦有單點項目:牛,豬及各款小食。尊貴海鮮套餐每位$399等食期間送上炸魚皮小食,卜卜脆仲微微暖😋各款海鮮已準備上枱,賣相吸引非常期待😍每款海鮮都預設左蒸煮時間響鬧,絕對唔會蒸過火。【日本赤蝦🦐】好大隻嘅赤蝦,蝦頭有蝦膏不過唔算多。相比起刺身,熟嘅隻赤蝦來都頗鮮甜👍🏻【台灣九孔鮑魚】好鮮味,鮑魚個心有少少韌,但其餘幾隻屋企人都話唔仲好彈牙。【大西洋青口】僅僅熟,肉質好鮮嫩,仲充滿海水味。【紐西葡月亮貝】月亮貝肉質好爽,殼裏面嘅海水和肉都非常之鹹。【日本大元貝】來自日本嘅元貝特別鮮甜,大大隻啖啖肉。【韓國慶南珍珠蠔】極速蒸完之後蠔肉稍微縮水,不過肉質還是鮮嫩,蠔味非常出,味道接近生蠔而並不似熟咗之後嘅蠔味,非常有驚喜!接着是令一盤海鮮主角,非常豐富!【饅頭蟹🦀🦀】還是第一次吃饅頭蟹,店員介紹此蟹種來自深海。肉質唔算好飽滿,不過蟹肉鮮甜度又好高,有種與別不同嘅蟹鮮甜味,值得一試!【澳洲青年龍蝦🦞🦞】龍蝦開邊每人半隻,也分別是試了橙色嘅龍蝦膏和綠色嘅龍蝦膏,是否公乸之分⋯⋯?蝦膏入口甘香鮮味,什麼膽固醇也顧不上了.. 龍蝦肉結實爽甜,也真是啖啖肉,頂級滋味。【罕有大黃奄蟹🦀🦀】非常爆膏~因為蟹吃了天然嘅海藻。熟咗嘅蟹膏呈金黃色,滑身甘香,入口溶化,充滿鮮味,絕對係頂級享受!😋😍【有機蔬菜籃🥬🥬】有機粟米外貌平凡但味道超甜,和平是吃到的超甜粟米完全兩個境界!有機生菜,旺菜也同樣爽甜!最後開始啟動煲海鮮粥,加入了龍蝦湯,菜譜和香蔥,原本已經充滿海鮮精華嘅粥底更鮮甜。配料還有排骨粟米和芋頭,粥底綿滑,補充了一些澱粉質,捧着肚子超滿足😋👍🏻最後送上椰汁燉雪耳糖水作甜品,椰汁冰凍香甜,啱晒食完大量海鮮減膩。一行四人食到舔舔脷讚不絕口👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
食海鮮 最怕就係遇到兩樣野第一就緊係唔新鮮🤮第二就係俾人劏🥴今日黎到蟹仙食佢既海鮮蒸氣鍋 老闆從事海產業務已經有幾十多年😲入行既年資仲大過我本人 啲海鮮攞上手都已經知道龍與鳳🫢除咗開食店 老闆仲負責做埋食肆既海鮮供應商 所以我都幾放心將呢餐晚飯交俾佢既食店🦀➷ 店舖有多款唔同既海鮮餐選擇 價錢係非常合理 唔夠喉既話可以再額外加 或者想食好啲既升級都一樣得👍🏼
海鮮好多時都係時令 有機會款式上會因應時節會有少少唔同除咗蒸海鮮 店舖仲有一啲自家既小食都值得一試😋➷ 蒸海鮮係時間既控制上都好緊要 但呢樣就唔洗擔心 因為佢地店舖有專員去幫手 見到姐姐左騰右騰就知佢忙⏱姐姐除咗識得幫你控制時間 佢地對海鮮既知識原來都好豐富🦐會同你介紹你食緊既野 會講好多罕有海產既由來係等候既時間又可以長知識 唔知點解我又聽得好投入😂係呢度食野好溫暖 唔係因為個爐 係因為呢度既人🥰姐姐們真係好風趣 你係度食野係完全好enjoy🤭➷ ❏ 尊貴海鮮套餐  我地揀咗中間價錢既尊貴海鮮餐都已經有10款食物😲其中海鮮都佔咗9款🦞真心覺得好抵食 姐姐會幫我地順序由淡味既海鮮開始蒸 只要坐係度等食就可以▸ 罕有大黃奄蟹 呢個簡直係全晚既壓軸高潮 亦都係老闆最拿手既蟹🦀啲膏係多到爆晒出黎 係我最鍾意既黃色膏🤩蟹膏好滑 每一啖都係鮮甜🤤係咪我食得好野少 未試過食咁靚既蟹 隻蟹係勁肥美 😍連啲蟹肉都係一梳梳 又多膏又多肉 果然有料到👍🏼▸ 野生海青班 有食開魚既 會食得出海魚同養魚既分別🤔就好似呢條海青班咁 肉質係滑身而且會比較結實 你會發覺咬口上同一般食開既養魚唔同😌而且魚味會豐富啲 因為養魚好多時都係單一味道🐟▸ 澳洲青年龍蝦 ▸ 台灣九孔鮑魚 ▸ 越南大虎蝦 龍蝦近頭位置比較多膏 啲膏都係好鮮甜🦞呢個價位食呢個size我覺得足夠有餘 龍蝦 鮑魚同虎蝦 都有一個特點 就係佢地都好彈牙🤓咬落口係真係有口感 唔係好腍”梅”晒個啲 每一下咬落去都係彈嫁 非常之新鮮🤩▸ 大西洋野生青口 ▸ 紐西蘭刀貝蚌 ▸ 日本大元貝 ▸ 韓國慶南珍珠蠔 ▸ 有機蔬菜籃 其餘既海鮮都係抱住鮮甜既品質 每一款都係食到人心醉🫠未能一一去講 但毫無疑問係我食過最值回票價既海鮮餐💯雖然已經食到好飽 但係點都要食埋個精華粥底😍呢個粥底 都唔需要放啲好特別既食材 簡單有幾粒粟米 有幾粒肉粒 最重要係海鮮流出黎既精華🤤令到個粥唔需要去加啲咩都已經好有鮮味😋➷❏ 蟹仙蝦蟹棗  自家出品 將蝦同蟹肉打到起膠再炸成既一款小食🥢同樣地咬落口係好彈牙 同埋食得出蝦蟹既味道 好真材實料 唔會係只食到麵粉多過主角 十分出色👍🏼➷到今日 我依然係回味緊呢個海鮮餐 每一樣野食都交足功課老闆多年既功力並唔係浪得虛名 絕對俾到你忘不了既味道😋➷🧸🌞C.ookngbear推介指數 👉🏼👉🏼🔟 繼續閱讀
(以上食評乃用戶個人意見 , 並不代表OpenRice之觀點。)
等級4 2022-07-03
0 瀏覽
呢日約左朋友出黎食飯🤗諗緊食咩好嘅時候諗起好耐冇食過蒸海鮮所以就帶朋友去蟹仙食餐好~😋.💫尊貴海鮮餐 ($399).因為不同時節有當季食材供應黎到菜單都可能有少量改動🤔蒸海鮮嘅次序會由淡到濃食起咁就可以食齊各款鮮味個人覺得唔使點醬都夠味😃.🌟日本野生赤蝦、台灣九孔鮑魚、韓國南慶珍珠蠔赤蝦用上刺身用赤蝦🦐 估唔到蒸出黎味道都好好肉質結實彈牙 而且仲好大隻而鮑魚亦都好新鮮 蒸得好軟腍珍珠蠔亦都好出色 易食唔黐殻🦪.🌟刀貝、紐西蘭月亮貝、大西洋野生青口跟住落黎就係食貝類全部都大大隻 同普通街市見到既完全唔同肉質肥美 而且仲有海水鮮味 好多汁🤤.🌟澳洲青年龍蝦龍蝦每人有半隻 每隻都有膏🦞而且用店鋪嘅特製叉一咭就成隻起到出黎味道鮮甜 就算冇調味已經好好食!.🌟太平洋饅頭蟹饅頭蟹又係平日唔常見嘅款式呢款蟹比較細而且冇乜膏🦀但係蟹肉實淨又有鮮甜 值得一試.🌟罕有大黃奄蟹上次都食過呢款奄仔蟹覺得超好食今次依然爆多膏又多肉😍係成餐嘅VIP.🌟有機蔬菜籃食到最後會有蔬菜籃俾客人清清腸胃有栗米🌽同娃娃菜🥬 食落都好新鮮.🌟粥底最後當然唔少得匯聚左今餐海鮮精華嘅粥底店員最後會加入菜脯同蔥落粥底果然鮮味十足 唔會唔夠飽😆.🌟椰汁雪燕最後店員送左個甜品俾我地🧉好香椰子味 而且仲啖啖都有燕絲 非常滿足 繼續閱讀
(以上食評乃用戶個人意見 , 並不代表OpenRice之觀點。)
等級3 2022-07-01
0 瀏覽
為慶祝友人升職這個重大日子,我和友人決定要外出大吃一頓。朋友介紹新蒲崗區一間蒸海鮮店。自小在新蒲崗長大的我,只知新蒲崗滿佈平民化食店。但為了慶祝,我又豈能草率選擇呢?但朋友堅稱此店雖然價錢親民,但用料絕對上乘。於是,我便上網查證。發現此店於尖沙咀及九龍城都有分店。要知道,該兩區自古以來都是兵家必爭之地。要在那裡立足,必須有過人之處。既然朋友以人格擔保,即管去試試吧。一進店,已被門口生猛的龍蝦吸引。地方雖然不大,但坐位寬敞,十分舒適。店家更有心思地間了一間房間,可供8至10人用。一坐下,店員即親切推介各式套餐。我們各點了$399一位的餐,共有十款食物。店員還細心地先幫我們以高溫蒸熱餐具消毒。可謂一物二用。既可確保衛生,又能向食客展示蒸爐的運作。十分聰明!海鮮陸續送上,份量絕不欺場。饅頭蟹、奄仔蟹更是爆膏項目。龍蝦鮮甜無比,肉質爽脆。最令我意想不到的是月光貝。起初我以為只是普通蜆類。店員一再提醒切勿點醬油,否則品嚐不到其原有鮮味。果然,海水味超濃。事實,我個人認為,每一道海鮮都不用點醬油,因為實在比平時在市場買的貨有很大分別。就連我原本認為最普通的青口都是令人回味無窮。吃完海鮮,還有好戲,就是那盡吸各樣食材精華之海鮮粥。店家加入了粟米、排骨及菜脯粒肴煮。除了鮮之外,就是鮮!服務方面,更是令人讚嘆。店員細心地按每款食材的時間幫我們蒸煮及詳細介紹其食法。有如置身Omakase的食店之中。整體以言,「蟹仙」果然利害! 這頓慶祝飯絕對是難忘的經驗!一定會再來!!! 繼續閱讀
(以上食評乃用戶個人意見 , 並不代表OpenRice之觀點。)