影片
更多
2020-06-02
1061 瀏覽
作為一名健身教練, 今晚食得幾刁鑽一係就唔食, 一食就要食最好! 今晚就體現下依句金句, 去左尖沙咀一嚐廚師發辦。餐廳位於20樓, 人住大大既海景同時欣賞師傅為自己握出一件又一件既壽司, 人生就係要享受一下!今晚叫左個$1280既餐, 包括左前菜, 18件壽司, 湯同埋甜品。前菜螺好鮮味, 鰻魚BB口感彈牙又滑滑的, 此刻口水已經不斷分泌出黎, 準備迎接我既鮮味晚餐! 同時亦見到師傅已經放好漬物, 準備緊第一件壽司。火炙雪魚口感滑嫩, 火炙將魚油逼出泥, 魚更香更濃。食完第一件壽司後, 師傅立即留意到我係用開左手, 此後既壽司師傅都為我放番左手拎既方向, 此舉真係既專業又細心, 立即加哂分!響螺海水味重又爽口鮮甜。春子雕師傅話春子雕係季節魚, 春天先有, 魚既味道比較清新, 而師傅加左鹽昆布係上面, 更加帶出春子雕既鮮味。之後係3件吞拿魚刁鑽位!拖羅入口即溶, 油香爆澎!吞拿魚面頰魚味濃D, 口感同另外兩個部位完全唔同, 口感屬爽彈。吞拿魚腦天師傅解釋腦天即係吞拿魚頭頂既肉, 因為一條吞拿魚只得兩片, 所以唔係度度都食到! 冇筋少而且油分多, 魚味極濃!深海池魚壽司肉質爽口，油成分高
一係就唔食, 一食就要食最好! 今晚就體現下依句金句, 去左尖沙咀一嚐廚師發辦。餐廳位於20樓, 人住大大既海景同時欣賞師傅為自己握出一件又一件既壽司, 人生就係要享受一下!
今晚叫左個$1280既餐, 包括左前菜, 18件壽司, 湯同埋甜品。
前菜
螺好鮮味, 鰻魚BB口感彈牙又滑滑的, 此刻口水已經不斷分泌出黎, 準備迎接我既鮮味晚餐! 同時亦見到師傅已經放好漬物, 準備緊第一件壽司。
火炙雪魚
口感滑嫩, 火炙將魚油逼出泥, 魚更香更濃。
食完第一件壽司後, 師傅立即留意到我係用開左手, 此後既壽司師傅都為我放番左手拎既方向, 此舉真係既專業又細心, 立即加哂分!
響螺
海水味重又爽口鮮甜。
春子雕
師傅話春子雕係季節魚, 春天先有, 魚既味道比較清新, 而師傅加左鹽昆布係上面, 更加帶出春子雕既鮮味。
之後係3件吞拿魚刁鑽位!
拖羅
入口即溶, 油香爆澎!
吞拿魚面頰
魚味濃D, 口感同另外兩個部位完全唔同, 口感屬爽彈。
吞拿魚腦天
師傅解釋腦天即係吞拿魚頭頂既肉, 因為一條吞拿魚只得兩片, 所以唔係度度都食到! 冇筋少而且油分多, 魚味極濃!
深海池魚
壽司肉質爽口，油成分高，肥美清甜！
海鰻
燒過令到鰻魚味道更香濃。
海膽
望住師傅毫不吝嗇咁將金黃色既海膽放上去, 口水都流埋, 超鮮甜CREAMY!
最後甜品係芝士雪糕, 芝士味濃郁到不得了, 到賣完單落到樓, 仲有陣芝士味係口腔 冇誇張!
今晚真係食得好ENJOY, 除左係因為食材既質素外, 廚師發辦既體驗好大程度要靠個位師傅, 今晚為我料理既師傅一開始已比左專業同細心既印象我, 師傅亦好細心講解食材, 仲可以引到我提起對食材既興趣又問下佢問題咁, 同師傅既互動令到今晚餐飯生色不少, 真係好值得一試!
張貼
