稚

營業中

休息中

呢間小店好耐之前幫襯過，印象中抵食夾大件，今日放假又過左黎食lunch😋午餐定食選擇唔少，最貴都只係$72，我地仲叫左幾樣小食share。蒲燒鰻魚定食寫住推介果然係唔錯，鰻魚出奇地幾肥美，有小小彈牙既感覺！份量都唔少，夠送晒成碗飯。咖喱吉列豬扒定食係帶甜既日式咖喱，醬同飯分開上👍🏻豬扒唔算好厚，但炸得脆脆，收貨。最欣賞麵豉湯同熱茶都熱到出煙，湯仲有好多菇。燒雞軟骨有油香，燒京蔥大大串，剝左出面硬啲果層皮就會食到爽嫩既口感。炸蠔同豬扒一樣炸得好脆唔油😺唔夠喉又叫多個小丸子，熱辣辣又夠醬，好滿足！