Ikigai Concepts (已結業)

好似發現咗一間超好味嘅日本🇯🇵餐廳，呢間餐廳係有做廚師發板🍣，所以廚師👩🏻‍🍳煮出嚟嘅食物質素非常之高，入到去嘅時候就已經充滿期待😚啦。蒜香和風紫蘇小魷魚🦑意粉 🍝$158，紫蘇葉嘅味道估唔到同蒜蓉係咁夾嘅，炒出來非常之香，好有鑊氣。小魷魚嘅鮮味帶晒出嚟，係我食過最好味嘅炒意粉。日式西西里紅蝦🦐意粉 🍝$298，西西里紅蝦意粉係我最鍾意嘅食物之一，紅蝦好大隻，而且仲要係有膏添，將啲膏用嚟送意粉，超香味道一流。北海道帆立貝三文魚籽意粉 🍝$218 ，帆立貝要煮得好真係唔係一件容易嘅事，今次帆立貝煎底面得好香之餘，肉質仲要好彈牙。配搭埋三文魚子，成個意粉再昇華。