影片
更多
2019-01-15
51 瀏覽
喺尖沙咀亞士厘道經過見到一間食辣蟹嘅中菜館，我同朋友都好鍾意食蟹，於是我哋就決定喺度開餐啦，坐低睇下餐牌，見到雖然佢係以蟹為名，但原來仲有好多唔同類型嘅小菜可以揀，呢間餐館，雖然冇經人特別推介，但係食完之後係真心誠意推介俾朋友，自己亦都將佢放咗喺我最愛的餐廳list裏邊，佢哋除咗味道好之外，煮法都好創新，好有自己嘅特色，今日每一道菜都非常之好味👍🏻👍🏻香辣醬油蟹🦀🦀呢道菜係用半炆煮嘅形式做，自家特別秘製嘅醬油用咗50幾種嘅配料煮成，食落非常之滋味，亦都唔會蓋過蟹嘅鮮味真係非常特別，而且用半炆煮嘅形式，令到個蟹唔會覺得太乾身，濕濕地，好正😋😋酸菜煮龍躉🐟🐟我唸酸菜魚好多地方都有得食，但呢度係用龍躉㗎，咬落去啖啖肉非常之好味，而且個酸菜湯調味得宜，可以湯飲都一流清雞湯燉白菜膽🥬🥬你睇個賣相已經非常之吸引，好似蓮花在水中央一樣，個湯係用雞肴制，非常之清，再用雞湯去燉白菜膽，呢度餸係出奇嘅好味，清香盤旋喺口中👍🏻👍🏻花膠濃湯雞煲呢款湯真係女士之首選呀，花膠養顏，濃雞湯滋補，花膠份量非常多，而且裏面有半隻雞，之後可以攞返出嚟食，個濃雞湯湯非常之濃郁，食完覺得皮膚都即刻靚晒海苔脆脆呢個甜品係必食之
香辣醬油蟹🦀🦀
呢道菜係用半炆煮嘅形式做，自家特別秘製嘅醬油用咗50幾種嘅配料煮成，食落非常之滋味，亦都唔會蓋過蟹嘅鮮味真係非常特別，而且用半炆煮嘅形式，令到個蟹唔會覺得太乾身，濕濕地，好正😋😋
酸菜煮龍躉🐟🐟
我唸酸菜魚好多地方都有得食，但呢度係用龍躉㗎，咬落去啖啖肉非常之好味，而且個酸菜湯調味得宜，可以湯飲都一流
清雞湯燉白菜膽🥬🥬
你睇個賣相已經非常之吸引，好似蓮花在水中央一樣，個湯係用雞肴制，非常之清，再用雞湯去燉白菜膽，呢度餸係出奇嘅好味，清香盤旋喺口中👍🏻👍🏻
花膠濃湯雞煲
呢款湯真係女士之首選呀，花膠養顏，濃雞湯滋補，花膠份量非常多，而且裏面有半隻雞，之後可以攞返出嚟食，個濃雞湯湯非常之濃郁，食完覺得皮膚都即刻靚晒
海苔脆脆
呢個甜品係必食之選，有啲似以前食過嘅蛋散，但係呢度做得非常鬆脆，再加上炸過嘅蕃薯絲同海苔，同埋用低溫烘出嚟嘅芝麻，原來低溫烘過嘅芝麻真係好香，仲有特選嘅蜂蜜唔會帶任何酸味，幾樣嘢配合埋口感豐富，甜甜脆脆，真係停唔到口😋😋
張貼
