影片
更多
2025-05-13
62 瀏覽
介紹返💁🏻♀️。。🇹🇼 一人一鍋台式火鍋 在將軍澳 🇹🇼。一鼎 台式火鍋 Top Pot。將軍澳中心1樓130-132號舖。澳洲200日穀飼牛吃到飽套餐90mins。HKD329 + 10%120mins。HKD349 + 10%期間限定 - 藥膳椰子雞鍋 。HKD39 + 10%🤫 真係恕我孤陋寡聞..唔到尋晚開飯之前..我都真係唔知原來而家有間叫做一鼎嘅一人一鍋台式火鍋放題..仲要已經有成三間分店咁多😲話說早幾日SuSu打嚟叫我同埋兩個閨蜜陪佢喺我屋企樓下附近打邊爐..嗰陣我仲心諗咩火鍋咁巴閉要山長水遠由沙田過嚟將軍澳食..原來都幾值得㗎喎🤭🤫 Recall返我嘅Memories..曾幾何時一人一鍋好似都興過一排..到後期就得返大家樂大快活嗰啲平平邊爐先至有一人一鍋..不過今次再打返自己一個鍋嘅邊爐..發現其實呢個模式都幾好呀🤔自己鍾意食啲咩放啲咩..唔使驚夾錯咗人哋淥嗰啲嘢食..火鍋湯底又唔使就住對方..最緊要就係乾淨衛生唔怕有啲乜嘢交叉感染嘅情況出現🫡🤫 講返呢間一鼎..裝修設計顏色柔和舒適..座位闊落而且地方夠大..我哋被安排喺蔬菜丸類冰櫃旁邊嘅卡位..位置方便到不得之了.
。
。
🇹🇼 一人一鍋台式火鍋 在將軍澳 🇹🇼
。一鼎 台式火鍋 Top Pot
。將軍澳中心1樓130-132號舖
。
澳洲200日穀飼牛吃到飽套餐
90mins。HKD329 + 10%
120mins。HKD349 + 10%
期間限定 - 藥膳椰子雞鍋
。HKD39 + 10%
🤫 真係恕我孤陋寡聞..唔到尋晚開飯之前..我都真係唔知原來而家有間叫做一鼎嘅一人一鍋台式火鍋放題..仲要已經有成三間分店咁多😲話說早幾日SuSu打嚟叫我同埋兩個閨蜜陪佢喺我屋企樓下附近打邊爐..嗰陣我仲心諗咩火鍋咁巴閉要山長水遠由沙田過嚟將軍澳食..原來都幾值得㗎喎🤭
🤫 Recall返我嘅Memories..曾幾何時一人一鍋好似都興過一排..到後期就得返大家樂大快活嗰啲平平邊爐先至有一人一鍋..不過今次再打返自己一個鍋嘅邊爐..發現其實呢個模式都幾好呀🤔自己鍾意食啲咩放啲咩..唔使驚夾錯咗人哋淥嗰啲嘢食..火鍋湯底又唔使就住對方..最緊要就係乾淨衛生唔怕有啲乜嘢交叉感染嘅情況出現🫡
🤫 講返呢間一鼎..裝修設計顏色柔和舒適..座位闊落而且地方夠大..我哋被安排喺蔬菜丸類冰櫃旁邊嘅卡位..位置方便到不得之了..勁開心😬
🤫 咁話晒係第一次食..所以都保守些少叫咗佢哋Top ONE受歡迎嘅澳洲二百日穀飼牛吃到飽套餐..佢哋呢度嘅收費表比起普通嘅邊爐簡單得多..冇分星期一至日或者假期..只係分套餐等級同埋打幾多分鐘邊爐..成件事相當一目了然..呢個位我覺得好抵讚👍🏻
🤫 火鍋湯底方面都有八個選擇咁多..佢哋兩個今次可以唔使就我唔食得辣..盡情咁樣試呢度嘅紅燒火牛鍋..佢話辣辣地好似台式牛肉麵咁..食得特別爽..而我自己就加咗卅八蚊叫咗個期間限定嘅藥膳椰子雞鍋 ..呢個椰子雞鍋有曬排場..最緊要係嗰個椰子味真係好鬼香濃..而且最犀利係竟然加過幾次湯..食到尾都仲有椰子味先勁🤩呢個椰子湯迷真係必試～
🤫 咁我哋呢個二百日穀飼牛套餐據說係有成百種配料食材有得揀..淨係牛肉種類都有四款..當然最正最好味嘅都離不開係呢個二百日穀飼牛..牛肉片薄薄一大片..而且嗰個質量係保持到一定嘅水準..我哋總共食咗三四盤..每盤都做得到脂肪肉質均勻厚薄一致..係嗰種只係需要淥十零秒就可以直接放入口..唔點醬汁都可以食到原汁原味嘅牛香嘅牛肉片🤤 其次佢哋嘅山野肥牛係我翻兜嘅第二種牛肉片..雖然佢係偏肥些少嘅..但係口感好有彈性..相對油脂味更加重..配埋餐廳提供嘅蔥花..又係另外一種滋味
🤫 打邊爐除咗牛肉片🐮緊要..其次就一定係海鮮..一鼎提供有鮮蝦大蜆生蠔同埋墨魚..全部個質素都真心好好..啲蜆隻隻都有半個掌心咁大而且完全冇沙同埋非常鮮甜..墨魚佢哋切咗粗條..淥熟咗之後非常有彈性..呢個生蠔直頭係我近排打邊爐裏邊最新鮮嘅一次..真係食得出佢哋嘅食材相當之抌本💯
🤫 另外要重點介紹嘅一定係呢度打邊爐嘅另一個賣點..就係打邊爐會包埋佢哋一鼎茶嘅幾款受歡迎台式茶飲嘅放題🤩係竟然有我近排非常着迷嘅香水爆檸茶呀～～仲要嗰個香水檸檬勁足料..我忍唔住飲咗兩大杯..呢啲廢水出邊閒閒地都賣緊三四十蚊一杯啦..飲多兩杯都真係回到個本🤪不過SuSu話唔飲台式飲品..一鼎除咗正常大量嘅罐裝飲品汽水之外..仲有自家罐裝茶飲都好鬼正..同出邊火鍋店唔同嘅係佢哋有菊普玄米茶同埋烏龍茶揀..茶香味都好濃郁
🤫 另外佢哋嘅台式小食我都相當之欣賞..可能因為呢度係一人一鍋嘅關係..全部嗌嘅台式小食都真係做得到你寫一佢就比一人份量你..唔似得其他火鍋店咁樣鍾意就俾二人份..然後間唔中又俾多啲間唔中又俾少啲..令你失晒預算😅我就自己自製咗個台式小食四品..然後SuSu就試咗呢度嘅特色小食好似紅噹噹蝦球同埋三星蔥燒串花枝..全部都好好味咁話😋
🤫 總括嚟講..一鼎嘅一人一鍋係相當之有驚喜..係高過我嘅Expectation..尤其是係啲海鮮嘅質素真係好唔錯..而且佢哋嘅甜品區域都非常之吸引到我哋..佢哋呢度有自己用杯裝或者雪糕筒裝嘅牛乳雪糕或者白桃乳酪..仲有粒粒乾果同埋開心果俾你自由配搭..真係喺邊爐放題少有嘅高質甜品🍧我而家已經開始Plan緊幾時帶飯腳仔去翻兜一下😎
。。
翻兜指數：🙆🏻♀️🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
