影片
開飯介紹
台式火鍋專門店，根據牛肉等級供應不同的放題套餐，食物選擇多元化，湯底選擇亦有特色，如麻痺鴨、呻醋豬及一鼎和牛等。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
《豐盛一人火鍋🥰》———————————————#一鼎台式火鍋 🐮 -呢間台式火鍋放題終於進駐入將軍澳，早排經過入去食一試難忘，地方寬落光猛，店員啲服務都好細心，非常有禮貌～-餐廳提供一人火鍋，大家可以各自揀唔同嘅湯底🤣除咗紅燒牛肉湯底之外，我哋仲升級咗做無花果椰子雞鍋，果香濃郁🥥清熱潤肺，成隻新鮮走地雞可以放入湯底好正🐣-靚牛嘅選擇多元，特別推薦澳洲200日穀飼牛，油花好靚，大大塊肉質鮮嫩，而澳洲純和牛牛味突出，啖啖肉😙 唔吃牛嘅都有丹麥梅花肉同澳洲草飼羊，海鮮方面亦有肥美鮮蠔、大蜆等，鮮味十足😍-佢有好多火鍋配料同台式小食，Q彈鴨血、滷肉飯、咖喱飯等等～亦都有甜品區可以自製軟雪糕，灑上開心果碎，口感豐富🍦-回本之一定係生啤任飲，而且非常細心可以用冰杯去斟🍻另外最特別嘅係仲可以任飲自家品牌嘅手搖台式茶飲，種類都幾多，例如冬瓜茶、奶蓋琥珀等等都好有驚喜🧋-💰參考價錢（另收加一）澳洲200日穀飼牛吃到飽套餐：$329
繼續閱讀
《一鼎台式火鍋》主打❤️澳洲和牛❤️好吸引之餘，仲有自家品牌嘅❤️手搖茶飲無限暢飲❤️，真係超級推薦俾愛飲手搖飲品嘅朋友。餐廳空間好寬敞，適合三五知己約埋一齊大快朵頤。一人一鍋嘅用餐方式設計得好貼心，讓每位食客都可以根據自己喜好選擇湯底，打造個人化嘅火鍋體驗。😁湯底有8款選擇，有辣有唔辣。我選咗QQ骨膠原鍋，清甜滋潤，口感特別。而另一款紅燒火牛鍋則香氣四溢，味道濃郁，辣得嚟係有少少甜味！搭配肉類同出前一丁🤤更加美味，真係唔可以錯過。🌶️🥵🤤身為食肉獸嘅我哋主攻牛肉，🇦🇺🐮澳洲穀飼牛雪花均勻，肉質柔軟，接近和牛等級；澳洲純和牛嘅油脂豐潤但唔膩口。不食牛嘅朋友仲可以揀丹麥梅花肉同埋澳洲草飼羊。海鮮方面，有肥美嘅鮮蠔、大蜆等，為火鍋增添咗鮮味層次。🦪🐚🦐除咗火鍋食材出色，台式小食都係一大亮點，特別係⭐️鹽酥雞、🌟蔥燒串花枝、🌟紅噹噹蝦球、🌟地瓜條等，充滿經典台式風味。自助區仲有蔬菜、丸類、粉麵、小食、水果、飲品同埋醬料供應。🍊🍎🥦🥬品牌將火鍋店同茶飲店結合，提供多款正宗台式手搖飲品無限暢飲今次試咗🌟純綠妍🌟芝士琥珀🌟香水爆檸🌟黑糖珍珠牛乳最後甜品當然必食，除咗三款台式糖水，有🌟桃膠銀耳羹、🌟桃膠牛同埋🌟手打麻薯紅豆沙，仲有一部🌟🍦🍨🍧自助軟雪糕機無限任添，為今晚畫上甜蜜嘅句點。
繼續閱讀
有相為證，睇返先知果晚食得幾滿足。而事發地點就係呢間新開嘅台式火鍋餐廳。四款套餐中，食咗中價少少嘅$329澳洲200日穀飼牛套餐，約100款食物，任飲任食90分鐘，性價比都唔錯。若果想食耐少少至120分鐘，成人價就$349一位。店內面積都幾寬敞，裝修有明亮感，特別卡位，二至四人都坐得舒適。蔬菜及其他火鍋食材係出面自取。醬料區上有生果手機掃二維碼落單，落完湯底及食材，見到好多唔同種類小食，台式炸物就最抗拒唔到，手作地瓜球及甜奶炸油條，香甜脆炸，一口一件，要再加單。一人一鍋，多款特色湯底選擇，加$39可轉為椰子鷄湯，鷄件及其他配料自己落，仲有青檸沙薑醬汁比你點鷄食。湯滾起先起動牛肉類，主角澳洲200日穀飼牛，牌仔寫上要烚幾耐，呢D薄薄一片，10-12秒就食得。入口帶點嚼口，唔多脂肪位，多食都可以。澳洲純和牛又係必叫用麻痹鴨湯底招呼佢，脂肪比例多少少，入口多一份甜味。特級牛舌除咗燒，用黎火鍋原來都好食架，入口嫩滑中又帶點微嚼口。用佢黎送柚子冷麵，一熱一冷，得咗。飲品除咗汽水及其他特色罐裝飲外，仲有手調台式飲品，實在有驚喜。叫咗杯芝士琥珀，甜度冰度可自選，滿滿芝士奶蓋口感，回本必飲。仲有黑/白神泡生啤，火鍋時間啤一啤，冰涼暢快。除咗牛肉，海鮮類叫咗粒粒蟹籽花枝滑及大蜆，推介大蜆，無沙仲味道鮮甜。仲有鮮魷魚，蠔及蝦，魷魚爽脆，又再加單。食完火鍋，又到甜品時間，呢度有軟雪糕機，有3.5牛乳及白桃乳酪，有開心果碎及朱古力餅碎，各式糖漿增加邪惡度。加埋手打麻薯紅豆沙，黑糖炸麻薯，榴槤炸波波，就成就咗呢個個人之選甜品區。可以任加開心果碎超開心; 仲有榴槤炸波波一咬皮香脆，入面嘅榴槤流心餡，味道濃郁，超正。手機落單時會顯示最後落單及用餐時間仲有幾耐，以便預返時間食甜品。侍應上菜及收碟速度快，幾有禮貌，今餐食得滿足。
繼續閱讀
最近任食邊爐好受歡迎，今次去咗將軍澳中心試試個台式火鍋 ~呢間台式火鍋專門店提供4款放題套餐，每款套餐嘅牛肉等級供應都有所不同。套餐有 8款湯底可供選擇：燻鰹魚 - 海苗鰹魚清湯鍋、麻痺鴨 - 台灣麻神鴨血湯、QQ骨膠原 - 膠原豬王骨鍋、冬蔭功 - NO.1 冬蔭功鍋🌼A餐120分鐘任食澳洲200日穀飼牛火鍋餐（大人$349/位）- 前菜/台式小食/台式鍋物任食: 任食區食物都好新鮮- A餐限定餐品包括澳洲200日穀飼牛：色澤十分靚，肥瘦均勻。除咗肥牛，仲有特級牛舌、多款和牛串 簡直係牛的盛宴😁除咗食牛，仲可以任食多款海鮮，包括大蜆、生蠔、鮮蝦等等，呢間邊爐特別之處係有得嗌冷麵解膩; 日式同韓式冷面都有得揀飲品方面，除咗普通罐裝汽水，仲可以任飲台式飲品，包括百香果三重奏、冬瓜牛乳茶，仲有生啤任斟🍺記得食埋甜品先好走！重點推介手打麻薯紅豆沙，口感好綿密！
繼續閱讀
工作不順心的時候最好就是大吃一頓！選了這間<一鼎台式火鍋>﹐ 因為除了我最愛的火鍋，還有朋友喜歡的台式小食！鍋底是一人一鍋，所以不用加錢就有鴛鴦鍋的效果！我們分別選了紅燒牛肉跟甜豉油湯，湯頭味道很濃！而且每枱都放了一大瓶豬骨湯，可以自行加湯很方便。吃火鍋最重要的當然是牛肉，我們當晚吃的澳洲200日穀飼牛set﹐我們主攻穀飼牛和純和牛，品質都很不錯。餐廳旁是同店的茶飲店，可以單賣那種，而我們的set也包了部分茶飲是不用加錢的，出品也跟普通單賣一樣，絕對是一大回本位，因為一杯一般都要30多塊！最推薦百香果三重奏！內裏還有寒天波波及椰果，口感豐富，而且沒有珍珠奶茶那麼飽肚，百香果酸酸的配火鍋很解膩！朋友很喜歡吃炸物，所以台式小食就很合他心意，地瓜球、榴槤波波、炸花枝丸、鹽酥雞等等，我自己就最喜歡台式香腸。 另外還有一些食物選項都是比較特別的，例如有水冷麵、 羊肚菌、桃膠銀耳羹這種養生的糖水等，還有雪糕的toppings選擇除了一般的朱古力醬、oreo碎等之外，居然還有開心果碎！所以整體感覺有一點驚喜，是令人很滿足的一餐！
繼續閱讀