Day and Nite by Master Kama (已結業)

約咗D朋友去旺角傾野又係時間食下好野。首先叫番杯熱香茶，先佢哋準備咗好多款茶葉俾我，我就揀咗山田詩子茶garden party，果然好香，連個茶壺都好靚添！仲叫咗杯冰西柚熱情果茶，味道好香又唔會太甜，呢杯推！鮮茄虎蝦扁意粉呢個都唔係第一次食架啦，其實我真係覺得依個意粉做得幾出色，d蝦啖啖肉，加埋個意粉汁真係好好食。西班牙烤乳豬配香橙燒汁及焗薯，呢個菜式都幾有驚喜，因為我自己覺得烤乳豬唔係一個容易做得好食嘅菜式，呢次真係整得好好，乳豬好香脆，燒到啱啱好，配埋個燒汁同埋焗薯，真係食到勁飽又滿足。今次試咗兩個新菜都唔錯，下次再試吓其他菜式。