籽樂廚房 (已結業)

上次食咗晚飯，今次試吓午飯。假日都有套餐，但冇特別嘅午市生酮餐，同晚餐嗰個一樣。諗返起個飲品同甜品唔太好食，所以我揀普通午市套餐算數。如果係非生酮飲食，套餐價錢以尖沙咀來講算平， OpenRice定位仲有八五折。2:00去到，大半間餐廳都滿座，侍應安排坐窗口位，但個窗冇窗簾，近窗嗰兩個會曬燶背脊，希望餐廳可以加返窗簾。四個人，叫咗兩個冷麵，一個漢堡，一個豬手。冷麵漢堡正常，豬手香脆但比較乾。餐湯係甘筍薑湯，薑味好重，唔係人人可以接受，而且夏日炎炎飲薑湯有啲怪。蒜蓉包一人有兩塊，分量充足，焗得脆卜卜。飲品方面，可以加$12轉餐飲做檸樂，幾好。我自己飲熱檸水，可以問侍應攞stevia 代糖，不過係拖肥味嘅，加埋檸水一開始飲有啲怪，飲耐左就OK。有一個問題係，餐廳有螞蟻，不斷係我旁邊行來行去，感覺唔係幾良好。