備長

營業中

休息中

之前有朋友食過話唔錯,所以book咗枱一行四人試下.點知? 其實d食物無太大問題(除咗個黑豚肉之外),服務態度就極之有問題.一入門口,一位女經理行出嚟已經黑口黑面,有個朋友叫咗杯可樂.唔知點解俾人收咗杯茶,我朋友想要番杯茶.嗰位經理係遠遠咁話(講到咁大聲)小姐話要可樂咁就要收咗杯茶,而且非常不情願咁攞番出嚟(搞咗咁耐原來茶同可樂係唔可以共存)-_-"""" 點完菜,侍應攞咗兩碟沙律同四碟豆腐,大家無理到就食咗.第一道菜係燒黑豚肉,肉質"鞋"到同豬扒咁,毫無分別.另外一位朋友就問下d侍應究竟碟嘢係咪真係黑豚肉,因為不竟都咁貴.點知經理又走出嚟話問過師傅,佢話佢地d豬肉無落"鬆肉粉",所以係咁,當堂O晒嘴.七點幾落單,食到九點鐘.上菜慢,一碟一碟咁上,但係一碟炒烏冬炒咗成個鐘唔催都炒唔到出嚟.原本以為真係可以食完餐咁o既飯,最後張單無啦啦收咗我地沙律錢.唉~又要搵經理傾下計.離晒大譜~完全無人講過話要收錢,擺明呃人姐~經理又走出嚟話同公司反應下.呢間嘢真係好有問題.唔怪之得星期日夜晚都無人排隊,得番幾枱客.俾錢我都唔會再幫襯~ x_x