Trois Cafe (已結業)

同朋友行街行到攰，想食個下午茶，就見到呢一間門面燈光吸睛嘅餐廳，所以就決定入去試一試😋入到去見到餐廳個配色果然相當特別，咁啱我哋坐嘅位置有一個粉紅色牆同大圓圈嘅燈光，打卡一流😍雖然好肚餓但係都驚食唔晒，所以就叫咗一個輕食，用生菜包住嘅牛肉粒加上青椒，味道清新又惹味，即使普通生菜包牛肉嚟食，都唔會覺得牛肉好油膩，牛肉嘅口感亦都唔嚡，值得一試☺️另外仲有炸薯條，外皮趣卜卜裏面好軟熟，真係食到停唔到口🥰卡邦尼意粉每一條意粉都沾滿卡邦尼醬，醬汁嘅味道好濃郁，食落唔會好乾口，煙肉亦煎得好香口，每食一啖都覺得好滿足，而且飽腹感好強😊