影片
更多
2023-06-07
100 瀏覽
係 The one 對出加拿分道斜路，有兩排電單車排骨泊位，當年係我同女友小熊第一次見面地方，拍拖紀念日就揸部電單車載住小熊落去懷念一下.....當年載佢部電單車，已經賣出，轉變為另一部更大cc電單車，而小熊亦同樣轉變，轉變成肥過部電單車!雖然時間只係晚上，但天氣實在太熱，所以泊底部電單車之後，馬上衝入去 The One 涼冷氣 cool down 一下，順便搵間餐廳慶祝紀念日.小熊行到哩間 Odelice 就停底，話哩間餐廳夠格調，而且菜式啱咀型，咁就行入去幫襯吧...當坐定定嘅時候，侍應攞咗幾份 Menu 俾我地，有菜式 Menu 有 Wine Menu，其中見到有 Set Dinner Menu 即時諗起無再提供 Set Dinner 嘅意粉屋，對 Odelice 好感度大增!記然餐廳有提供 Set Dinner 就點佢嚟慶祝紀念日吧!分別有是日餐湯，係烤鲜薊巴馬臣芝士湯，頭盤主廚拼盤，主菜米蘭式小牛扒，龍蝦海鮮鍋，甜品火焰橙酒可麗餅配雪糕.烤洋薊巴馬臣芝士湯味道好特別，入口有芝士味但聞上去芝士味唔強，夾自己口味，因為我好怕聞上去好濃郁嘅芝士味，而洋薊好陌生第一次飲，味道有小小似
當年載佢部電單車，已經賣出，轉變為另一部更大cc電單車，而小熊亦同樣轉變，轉變成肥過部電單車!
雖然時間只係晚上，但天氣實在太熱，所以泊底部電單車之後，馬上衝入去 The One 涼冷氣 cool down 一下，順便搵間餐廳慶祝紀念日.
小熊行到哩間 Odelice 就停底，話哩間餐廳夠格調，而且菜式啱咀型，咁就行入去幫襯吧...
當坐定定嘅時候，侍應攞咗幾份 Menu 俾我地，有菜式 Menu 有 Wine Menu，其中見到有 Set Dinner Menu 即時諗起無再提供 Set Dinner 嘅意粉屋，對 Odelice 好感度大增!
記然餐廳有提供 Set Dinner 就點佢嚟慶祝紀念日吧!
分別有是日餐湯，係烤鲜薊巴馬臣芝士湯，頭盤主廚拼盤，主菜米蘭式小牛扒，龍蝦海鮮鍋，甜品火焰橙酒可麗餅配雪糕.
烤洋薊巴馬臣芝士湯味道好特別，入口有芝士味但聞上去芝士味唔強，夾自己口味，因為我好怕聞上去好濃郁嘅芝士味，而洋薊好陌生第一次飲，味道有小小似洋蔥味.
我細食，食份頭盤主廚拼盤已經半飽，太足料! 有煙三文魚，意大利火腿，炸黑菘露磨菇球同燒茄子，配上鱈魚醬再加埋麵包一同入口，飽滿! 而每一款食材都好好味，話佢係主菜都唔過份.
小牛扒係米蘭式? 係想像唔到菜式，原來係將牛扒打碎，做成一個Pizza型，面層鋪上麵包糠再經油炸，外脆內軟份量足又巨型，一上枱就極有台型.
龍蝦海鮮鍋只有半隻龍蝦，加80蚊有全隻龍蝦，今次係記念日，當然點全隻慶祝啦，龍蝦蝦肉彈牙又鮮甜，再點上濃郁蕃茄汁便加惹味! 特別要提一下哩個蕃茄汁，比其他餐廳嘅蕃茄汁更濃郁美味.
不論頭盤同主菜，份量都極足料!
最後，送咗隻小熊唯尼俾小熊做記念禮物，問翻佢我果份記念禮物呢? 吓? 無? 咁哩餐邊個埋單呀! 吓! 又係我!
陰功豬! ~~>_<~~
張貼
