Morton's of Chicago

老婆之前一直話想試，我上網睇過呢間扒房係食熟成牛扒，而我又未食過熟成牛，咁就趁佢生日嘅時候試下佢個lunch set，六百幾蚊一再加一ok嘅，佢會將個餐牌印埋你個名同個日黎食既日子，都幾特別同幾有心思，先黎左個洋蔥包，好大個，有洋蔥味幾好食，加埋佢地自己打既牛油，個牛油真係好好食，龍蝦湯就有啲酒味搶咗本身個龍蝦味，我就一般般啫，主菜其中一位就免翁牛柳冇變啦，咁我就升咗做 16安士嘅肉眼牛扒不過老婆怕生就叫左七成熟，但上到嚟係過熟似9成熟，所以大家記得一定要叫五成，而另外一個揀龍蝦尾，一個就揀蟹餅，龍蝦肉唔係咁彈牙唔係新鮮但有龍蝦味，但係個蟹餅就好好食，而配菜就揀咗薯條同炒蘑菇，炒蘑菇冇乜特別放棄左，不過薯條就幾好食，生日位人士會收到餐廳送既疏乎里，餐牌甜品就係焦糖布甸同流心朱古力餅，個朱古力餅我就食晒，大家明架啦，總括嚟講呢一間可以再食。