影片
更多
2022-07-31
260 瀏覽
呢間係米線界有幾出名，相信鍾唔鍾意食米線嘅人都有聽過。但係估唔到明明望到條隊唔算超長，都可以等咗個幾鐘先有得坐😂 你以為咁就完？No!坐低咗，落咗單都仲等多半個鐘先食得，真係要真愛先得😂 呢樣我相信食過嘅人應該都經歷過。不過無計啦晚飯時間，唔知要幾點嚟先會少人啲呢？（定係冇？🤪）題外話，排緊隊嗰時都陸續見到有啲人嚟叫外賣，都被告知要等起碼一粒鐘😱 如果真係想食，大家要預啲時間啦講返食物先，叫咗豬腩肉米線+酥炸雞球+野菌腐皮卷果然係人氣小食！炸雞球真係有驚豔到！差唔多每枱都必點，又香又脆嘅皮，咬落去肉汁會爆出嚟，味道醃得啱啱好夠惹味，必試👍得3舊唔夠喉野菌腐皮卷又係好多人點嘅，雖然冇炸雞咁驚豔，但都係好多汁同鮮味，值得一提嘅係，佢塊皮真係好有豆香。湯底叫咗麻酸辣湯，係見到好多食評推薦嘅，果然好好食，好有花椒香味，令到辣得嚟有多一種層次。豬腩肉都好多舊，啖啖肉，但對比起其他就冇咁突出，不過不失，有啲似拉麵啲大塊叉燒肉咁。佢啲野飲話係新鮮煲嘅，都幾清甜解渴，但$18一枝，個人認為偏貴又唔算大枝。整體來講，嘢食係絕對高水準，佢咁出名都絕對係名副其實。至於值唔值得排咁耐隊食，就因人而異啦😂可能遲
但係估唔到明明望到條隊唔算超長，都可以等咗個幾鐘先有得坐😂 你以為咁就完？No!
坐低咗，落咗單都仲等多半個鐘先食得，真係要真愛先得😂 呢樣我相信食過嘅人應該都經歷過。不過無計啦晚飯時間，唔知要幾點嚟先會少人啲呢？（定係冇？🤪）
題外話，排緊隊嗰時都陸續見到有啲人嚟叫外賣，都被告知要等起碼一粒鐘😱 如果真係想食，大家要預啲時間啦
講返食物先，叫咗豬腩肉米線+酥炸雞球+野菌腐皮卷
果然係人氣小食！炸雞球真係有驚豔到！差唔多每枱都必點，又香又脆嘅皮，咬落去肉汁會爆出嚟，味道醃得啱啱好夠惹味，必試👍得3舊唔夠喉
野菌腐皮卷又係好多人點嘅，雖然冇炸雞咁驚豔，但都係好多汁同鮮味，值得一提嘅係，佢塊皮真係好有豆香。
湯底叫咗麻酸辣湯，係見到好多食評推薦嘅，果然好好食，好有花椒香味，令到辣得嚟有多一種層次。豬腩肉都好多舊，啖啖肉，但對比起其他就冇咁突出，不過不失，有啲似拉麵啲大塊叉燒肉咁。
佢啲野飲話係新鮮煲嘅，都幾清甜解渴，但$18一枝，個人認為偏貴又唔算大枝。
整體來講，嘢食係絕對高水準，佢咁出名都絕對係名副其實。至於值唔值得排咁耐隊食，就因人而異啦😂
可能遲啲突然醒起佢個湯底同炸雞球，都會再嚟食，但真係要研究一下啲時間先…..
張貼
