鮨一 (厚福街)

營業中

休息中

1. 訂4位，被屈坐吧檯因宣傳太勁，有位朋友打去訂檯，訂到周五晚有檯，於是一行四人去。去到仲要等，地方好細，門口8個人等，好逼。訂咗檯都要等30分鐘先入座。門口個女職員A好無禮貌，問等幾耐，佢話「唔知架你等下先」好似我哋係乞兒咁，本來打算走，但另一位較有禮嘅女職員B話有位。女職員A帶我哋入座，勁驚訝，4個人竟然俾吧檯位我哋！我哋話我哋訂咗檯㗎唔係walk-in，4個人點坐吧檯傾偈？女職員A答：「你哋訂檯時冇講唔坐吧檯喎」我哋點知舖頭setting呢。嚟到又等咗咁耐，大家都餓，所以照食。而最出嗰個位根本係夾硬砌出來，亦因為咁，俾我哋見到好可怕嘅一面。2. 衛生環境差因為坐最出嘅朋友，係夾硬俾佢坐最盡頭，清楚見到平日應該見唔到嘅嘢，吧檯後位，一地水及碎屑，刺身就咁放喺度等侍應拎，我望咗5分鐘都冇人拎，食物上更有茶餐廳式白紙！有個肥仔廚仔仲周圍摸啲機，摸完抹檯布又徒手放沙律菜。好得人驚。3. 只有刺身OK眼前䏲完極差嘅衞生環境，就唔想食。睇得出個大廚係用心做，但唔係份份都係佢做，又太多人做唔切。檯同檯之間係幾乎無空位，唔好打算二人世界。全間餐廳都好嘈。