I's Land Cafe (已結業)

朋友約食下午茶，好久不見，佢順便介紹個朋友我認識，雖然第一次見面，不過都幾好傾！佢好早就揾好左幾間餐廳比我地選，間呢度咁近，就呢間啦！門口既menu已經好吸引，有all day breakfast，仲有好多其他西餐。我就肯定忍唔住叫All day Breakfast啦～真係好豐富啊！有西班牙豬肉腸，黑松露野菌炒蛋，煙肉片，茄汁局豆，煎番茄，紫薯蓉，雜菜沙律，香脆牛角酥。西班牙豬肉腸最好食，炒蛋都好重黑松露味道，但牛角酥就唔夠脆，煎番茄有咸味。我覺得自己肯定食唔曬！朋友叫既英式炸魚雞軟骨陪薯角伴雜菜沙律，都非常大分，夠2人食啊！雞軟骨好好食呀！佢個醬好特別。整體味道唔錯。