小火焰韓式咖啡廳 (觀點中心) (已結業)

同女友行完apm，佢話想食韓國炸雞，觀塘通既我即刻唸起觀點中心既小火焰韓式咖啡餐廳，係apm行幾分鐘就到。 餐廳既裝修佈置都非常有活力同有幾分韓式餐廳的味道，門外仲有一個櫃放滿左好多得意既公仔。睇完個menu就叫左溶岩芝士炸雞麵包 (HKD 128)，柚子明蝦沙律 (HKD 80)同埋石窩蟹籽彩雲伴飯 (HKD 78)。黎得小火焰，叫芝士炸雞麵包係指定動作。個麵包非常大個，而個麵包邊就焗到脆脆地，裏內就藏有著能溶掉你個胃既芝士溶岩，用黎俾你食炸雞用既。 大概有6，7件炸雞，全部都係啖啖肉，點住啲芝士溶岩一齊食，感覺非常幸福。除左炸雞之外，仲有其他炸物，薄餅，沙律菜同埋蕃茄。沙律菜非常有益，我覺得佢既主要功效係可以平衡番邪惡既芝士溶岩。不過值得一提既係，薄餅點住芝士溶岩食既感覺都唔錯。另外，我地都叫左柚子明蝦沙律。除左有沙律菜，大蝦，蕃茄，仲有橙同紅柚。味道唔錯，幾清新。由於食物材料都有著唔同既顏色，除左味覺，視覺上都有享受。個飯就有蟹籽，菌菇，蘿蔔青瓜絲，芽菜同木耳。顏色非常鮮豔，賣相唔錯。 個分量好大，我地兩個人都食到盆滿缽滿。