影片
更多
2021-10-22
992 瀏覽
天氣轉冷，又係打邊爐既季節。坊間越開越多任食火鍋店，中式日式台式琳琳種種，競爭相當激烈。要數最近比較火紅既火鍋店，台式吃到飽牛大人火鍋一定係其中一間。呢個時勢下，餐廳分店越開越多。因為經常性滿座，大家一定要先係網上訂位先有機會唔駛等位既情況之下食到。觀塘分店相對上係新，地點就腳，係地鐵站旁既鱷魚恤中心，地鐵出去唔駛日曬雨淋行幾分鐘就到。.新餐廳佔地全層地方相當大，無論係座位定係飲品、食物自取區域都非常闊落。一開電梯已經聞到非常濃郁既牛骨湯味同見到全場都冒緊白煙，場面都幾壯觀。.作為牛魔王，毫無懸念點左最貴既澳洲極上和牛任食套餐，正常時段每位💲298，如果可以早少少7:30離座個價錢會平到💲258，幾抵食。任食時間係120分鐘，足夠有餘。.對比其他中價套餐，澳洲極上和牛任食套餐既賣點係可以食到澳洲和牛M5牛肩卷、安格斯牛小排、手切封門柳同一口牛肉粒，另外，重要時情要講三次，就係會有兩粒澳洲M9和牛牛丸、牛丸同牛丸!! 淨係呢粒牛丸我係街買自煮急凍版本都要接近十幾蚊粒，現場散叫接近💲60/3粒，所以揀呢個餐性價比最高。.今轉湯底揀左牛大人紅燒牛骨鍋，湯底係極濃版本食物完全唔需要再後加任何調
.
新餐廳佔地全層地方相當大，無論係座位定係飲品、食物自取區域都非常闊落。一開電梯已經聞到非常濃郁既牛骨湯味同見到全場都冒緊白煙，場面都幾壯觀。
.
作為牛魔王，毫無懸念點左最貴既澳洲極上和牛任食套餐，正常時段每位💲298，如果可以早少少7:30離座個價錢會平到💲258，幾抵食。任食時間係120分鐘，足夠有餘。
.
對比其他中價套餐，澳洲極上和牛任食套餐既賣點係可以食到澳洲和牛M5牛肩卷、安格斯牛小排、手切封門柳同一口牛肉粒，另外，重要時情要講三次，就係會有兩粒澳洲M9和牛牛丸、牛丸同牛丸!! 淨係呢粒牛丸我係街買自煮急凍版本都要接近十幾蚊粒，現場散叫接近💲60/3粒，所以揀呢個餐性價比最高。
.
今轉湯底揀左牛大人紅燒牛骨鍋，湯底係極濃版本食物完全唔需要再後加任何調味，個感覺係似食緊中式火鍋沙嗲湯一樣，重口味者必試。
.
最喜愛美食
1️⃣澳洲M9和牛牛丸，和牛牛丸既存在係無得輸
2️⃣澳洲和牛M5牛肩卷，肥瘦適中有濃濃牛肉味
3️⃣私房鴨血，台式火鍋必點超軟滑掛湯鴨血
4️⃣手切封門柳
5️⃣安格斯牛小排
6️⃣一口牛肉粒
7️⃣飯後甜品台中仙草凍，大愛，食幾多次都覺得唔夠
8️⃣福建燕餃
餐廳仲提供好多台灣直送餃類同各款台式小食，款式太多未能一一盡錄留待大家自己去嘗試。
經典既自助飲品區一如以往地壯觀，特別喜歡佢地既自家甪製桂花烏龍茶，桂花味好濃，另外白桃烏龍都好香。
.
總結：牛大人絕對係食CP值既任食火鍋，價錢合理裝修高雅食物出品既質素比一般既嚴謹有心思，難怪訂位咁困難。係值得偶一為之既台式任食火鍋店。
.
張貼
