影片
更多
2023-02-16
303 瀏覽
壹.01今日中午喺大角咀針灸完，見有時間就去附近搵好西食，去一間一直bookmark咗好耐嘅觀塘小店，今次Google Map無呃我，真係15分鐘就到，但搵升降機搵咗5分鐘，搵升降機仲難搵過中海日升中心，升降機位置仲隱世過間餐廳！🤦♂️😅原來部升降機喺龍城冰室右邊個黑蚊蚊長走廊入面，附近完全無升降機標誌提示人有升降機，一到2樓出仲要穿過2個無自動門嘅防煙門，如果無人陪你去，真係會被困2樓！去到壹.01間餐廳，啱啱好就到2點半，下午2點半至晚上6點前佢哋做緊下午茶優惠，會有9折優惠，晚上6點後就要follow佢哋社交平台先有9折優惠！👍👏👏1.辣椒大蔥牛肉飯$49.5（9/10）呢碗牛肉飯入面勁多牛肉，仲有其他配料，包括有櫻花蝦、大蔥、洋蔥、青辣椒等...我哋已經揀咗少飯，仍然多到食唔哂，建議餐廳再喺app入面加多一個制「極少飯」！🤣2. 辣椒大蔥排骨飯$52.2（9/10）呢碗 排骨飯入面d排骨總共有4大件， 排骨外脆內軟，炸粉夠薄，而且炸得唔會乾，夠juicy！仲有其他配料，包括有櫻花蝦、大蔥、洋蔥、椰菜、青辣椒等...3. 脆炸鮮奶卷+古早芋泥三文治$43.2（9/10）炸鮮奶卷
今日中午喺大角咀針灸完，見有時間就去附近搵好西食，去一間一直bookmark咗好耐嘅觀塘小店，今次Google Map無呃我，真係15分鐘就到，但搵升降機搵咗5分鐘，搵升降機仲難搵過中海日升中心，升降機位置仲隱世過間餐廳！🤦♂️😅
原來部升降機喺龍城冰室右邊個黑蚊蚊長走廊入面，附近完全無升降機標誌提示人有升降機，一到2樓出仲要穿過2個無自動門嘅防煙門，如果無人陪你去，真係會被困2樓！
去到壹.01間餐廳，啱啱好就到2點半，下午2點半至晚上6點前佢哋做緊下午茶優惠，會有9折優惠，晚上6點後就要follow佢哋社交平台先有9折優惠！👍👏👏
1.辣椒大蔥牛肉飯$49.5（9/10）
呢碗牛肉飯入面勁多牛肉，仲有其他配料，包括有櫻花蝦、大蔥、洋蔥、青辣椒等...我哋已經揀咗少飯，仍然多到食唔哂，建議餐廳再喺app入面加多一個制「極少飯」！🤣
2. 辣椒大蔥排骨飯$52.2（9/10）
呢碗 排骨飯入面d排骨總共有4大件， 排骨外脆內軟，炸粉夠薄，而且炸得唔會乾，夠juicy！
仲有其他配料，包括有櫻花蝦、大蔥、洋蔥、椰菜、青辣椒等...
3. 脆炸鮮奶卷+古早芋泥三文治$43.2（9/10）
炸鮮奶卷有3條，入面鮮奶好香濃，炸得夠脆！👍
芋泥三文治有4舊，雖然每一舊好細舊，但芋泥唔會因為細而放少d，芋泥係爆多滿滿，細舊又有另一好處係可以一啖食哂！😅
4.邪惡蛋之戀$35.1（7/10）
呢個蛋之戀即係芋泥肉鬆蛋餅，芋泥一樣係爆多滿滿，蛋餅煎得好脆，一共有8舊！👍
5.熔岩蛋之戀$35.1（9/10）
叫得熔岩果然無叫錯，入面芝士爆多到可以拉絲，又有火腿，出面仲有千島醬，口感超級豐富，超正超好味，份量又多有7舊！😋😋😋
6.珍珠奶茶（大）$22.5（8/10）
奶茶夠滑，茶味比奶味出多咗少少，珍珠好煙韌，好大杯，夠2份飲！
2人總共價錢$237，有9折優惠！
個人口味總評分：8.5/10
地址：觀塘駿業街56號中海日升中心2樓D號舖
張貼
