影片
更多
2019-05-09
3400 瀏覽
小鬼終於考完試，可以暫時拋開書本，雖然只得一個星期 term break，但亦無損我兩搵食的興致，見近排凍凍哋，就一於去打邊爐啦！為了遷就某人上班嘅地點，所以今次就揀咗去觀塘。從餐廳訂座 App 找到這間「巧得鍋」，瀏覽過網上食評，見風評不俗，加上之前有食友幫襯過，應該係信心嘅保證。餐廳位於成業街15-17號成運工業大廈1樓，門外貼有大量剪報及飲食雜誌的介紹。推門而入，店內地方頗大，佔地甚廣，場內設有大量卡位，加上每張檯都很闊落，非常適合一大班朋友來暢聚。先細看摺頁嘅點菜紙，食物選項非常豐富，單係湯頭就已經有成十幾款，要豪一點有玉竹薏米乳鴿窩，想滋潤的有花膠燉竹絲雞鍋，要實惠嘅也可以選擇皮蛋芫茜鍋，另外亦有刺身、牛肉、海鮮、巧得特式小食、丸類及餃子、時令蔬菜/菇菌、烏冬/粉麵、飲料及甜品等，而且除咗打邊爐之外，竟然仲可以燒烤，一次過滿足多個願望。湯底我哋揀咗蕃茄薯仔牛粒鍋，至於火鍋配料，貴精不貴多，先點三款，包括有澳洲和牛、豬頸肉同手打鮮蝦滑。落好單後，就輪到「混醬」時間，木盤上放有9款醬料 (醬油每位 $18)，包括有沙嗲醬、生蒜茸、芫茜、XO醬、紅辣椒、蔥花、麻醬、炸蒜、西芹粒，另
小鬼終於考完試，可以暫時拋開書本，雖然只得一個星期 term break，但亦無損我兩搵食的興致，見近排凍凍哋，就一於去打邊爐啦！為了遷就某人上班嘅地點，所以今次就揀咗去觀塘。從餐廳訂座 App 找到這間「巧得鍋」，瀏覽過網上食評，見風評不俗，加上之前有食友幫襯過，應該係信心嘅保證。
餐廳位於成業街15-17號成運工業大廈1樓，門外貼有大量剪報及飲食雜誌的介紹。推門而入，店內地方頗大，佔地甚廣，場內設有大量卡位，加上每張檯都很闊落，非常適合一大班朋友來暢聚。
先細看摺頁嘅點菜紙，食物選項非常豐富，單係湯頭就已經有成十幾款，要豪一點有玉竹薏米乳鴿窩，想滋潤的有花膠燉竹絲雞鍋，要實惠嘅也可以選擇皮蛋芫茜鍋，另外亦有刺身、牛肉、海鮮、巧得特式小食、丸類及餃子、時令蔬菜/菇菌、烏冬/粉麵、飲料及甜品等，而且除咗打邊爐之外，竟然仲可以燒烤，一次過滿足多個願望。
湯底我哋揀咗蕃茄薯仔牛粒鍋，至於火鍋配料，貴精不貴多，先點三款，包括有澳洲和牛、豬頸肉同手打鮮蝦滑。落好單後，就輪到「混醬」時間，木盤上放有9款醬料 (醬油每位 $18)，包括有沙嗲醬、生蒜茸、芫茜、XO醬、紅辣椒、蔥花、麻醬、炸蒜、西芹粒，另外仲有一支豉油，喜愛邊款，大可自由組合。
好，正式開餐。先介紹一下這個蕃茄薯仔牛粒鍋 ($68)，沒想到這個湯鍋用料竟然這麼豐富，湯內有大量蕃茄、薯仔和豆腐，還有一碟另上的牛肉粒，份量十足。待湯滾後，馬上舀起一碗，湯入口微酸帶甜，牛肉粒口感不算很嫩，但頗有咬口，而且牛味十足，配上湯底，令人越食越開胃。
至於配料方面，先吃這碟小鬼點的澳洲和牛 ($178)，牛肉賣相非常吸引，肉色紅粉緋緋，中間帶雪白斑紋，加上油分令表面看起來「令立立」，油潤非常。立即放一片入熱騰騰的湯鍋內輕涮，再挾起一嚐，果然有料到，肉質又腍又滑，肉味馥郁，而且油花多又夠鬆化，口感相當不錯，令人回味無窮。
另外這碟豬頸肉 ($68) 水準亦唔錯，質感夠爽彈，肉味結實上乘，口感極佳。
手打鮮蝦滑 ($78)，睇得出用鮮蝦肉，真材實料，入口彈牙重蝦味，面頭的蟹籽脆卜卜，不錯！
臨尾當然要點客蔬菜來平衡一吓，這款是油麥菜拼粟米 ($43)，唔好以為油麥菜淨係可以用來配豆豉鯪魚，其實用來打邊爐一樣咁正，油麥菜輕灼後不但質地爽脆，而且口感鮮嫩清香。另外粟米就要早點放入湯鍋內，可以令湯底更清甜。最後吃個稻庭烏冬 ($48)，夠曬飽肚，而且跟湯底很襯呢！另外值得一讚是餐廳服務員很有禮貌，殷勤用心！
張貼
