影片
更多
2018-05-11
273 瀏覽
最近某人調咗去觀塘上班，咁即係話以後又多個藉口嚟呢區搵食，實在太好了，一於開番個「觀塘美食之旅系列」，而今次首站嘅目標，就係呢間樓上西餐廳「魔膳廚房」。店子位於開源道 77 號業發大廈一期 2 樓 D 室，離港鐵觀塘站只是 2 分鐘路程，位置一點也不難找。沿著樓梯拾級而上，牆身兩邊掛滿畫作，藝術味極之濃厚；而大門就以一個由花草砌成的花環圍住，十分搶眼。推門而入，店內地方頗大，面積寬廣，天花掛滿幾何圖形吊燈，配上室內的鹿頭裝飾，為裝潢添上幾分型格。細看四周，用餐擺放了多排四人組合方桌，而靠牆的座位就以梳化為主，中間設有自助 Salad Bar，環境舒服，氣氛輕鬆。拿起一頁頁的餐牌，食物選項極多，實在令人花多眼亂，包括有小食、沙律、前菜、意粉、意大利飯及主菜等。唔想動腦筋，點了這個「二人行大蝦和牛套餐」，Dinner Set 包餐湯、餐前麵包、Side Dish、兩款主菜、甜品及飲品，另外如果每人 +$18，仲可以任食沙律吧，一於不作他選。趁空檔先去 Salad Bar 走番轉，DIY 沙律選擇唔多，只有沙律菜、番茄、哈密瓜、三色椒同紫洋蔥，不過全部都好新鮮爽甜。至於另一邊就有薯仔沙律、菠
沿著樓梯拾級而上，牆身兩邊掛滿畫作，藝術味極之濃厚；而大門就以一個由花草砌成的花環圍住，十分搶眼。推門而入，店內地方頗大，面積寬廣，天花掛滿幾何圖形吊燈，配上室內的鹿頭裝飾，為裝潢添上幾分型格。
細看四周，用餐擺放了多排四人組合方桌，而靠牆的座位就以梳化為主，中間設有自助 Salad Bar，環境舒服，氣氛輕鬆。
拿起一頁頁的餐牌，食物選項極多，實在令人花多眼亂，包括有小食、沙律、前菜、意粉、意大利飯及主菜等。唔想動腦筋，點了這個「二人行大蝦和牛套餐」，Dinner Set 包餐湯、餐前麵包、Side Dish、兩款主菜、甜品及飲品，另外如果每人 +$18，仲可以任食沙律吧，一於不作他選。
趁空檔先去 Salad Bar 走番轉，DIY 沙律選擇唔多，只有沙律菜、番茄、哈密瓜、三色椒同紫洋蔥，不過全部都好新鮮爽甜。至於另一邊就有薯仔沙律、菠蘿、粟米、車厘茄、啫喱、青瓜、八爪魚、味付螺肉同中華沙律等，開餐前用嚟過下口癮，很不錯。
餐包及餐湯接著上桌，餐包拿上手時仍暖笠笠，感覺已勝一切。輕咬一口，包身軟熟，帶天然麵粉香，用來佐湯，一流。餐湯揀咗一紅一白，前者雜菜湯，湯料雖然不多，但酸甜味平衡，加上表面浮起的薄薄紅油，令味道更豐富。至於後者野菌忌廉湯，湯身稀稠度適中，入口非常順滑，散發著濃烈的菇菌和忌廉香味，完全沒有膩滯感。 
Side Dish 法式焗釀田螺即叫即焗，份量不多，只有 4 粒，底下墊有一層薯蓉，上桌時仍熱燙燙。叉起田螺一看，大小適中，表面微焦，食落頗香口，肉質飽滿帶嚼勁，而且沒太多油份；再吃一口薯蓉，質感軟滑，味道芳香。
輪到吃主菜扒大虎蝦配龍蝦汁扁意粉，扁意粉煮得啱啱好，仍保持彈牙，每一條意粉都掛滿濃濃的龍蝦汁，龍蝦汁味道豐富，除了鮮味外還有淡淡的酒香和蔬菜的甜味，大虎蝦彈牙鮮嫩，蝦肉仍然非常多汁，食味一流！
至於另一款主菜極上和牛漢堡配薯角，用料亦絕不欺場，漢堡由肉汁豐富的和牛、濃滑芝士、香烤煙肉、新鮮番茄和生菜等組成，堅足料，擘到個口最大都一啖咬唔曬！漢堡扒非常厚身，有牛肉味又充滿肉汁，食落唔會乾爭爭，而麵包亦相當鬆軟，面頭輕輕烘過，配埋色澤金黃的脆薯角，吃得非常滿足。
跟餐飲品點咗 Ice Latte (+$10) 同荔枝玫瑰梳打 (+$5)，梳打味道非常清新，很易入口，不太甜，入面有粒粒荔枝，絕對是誠意之作，用來解渴至啱。
其實嚟之前有瀏覽過食評，知道餐廳最近引入咗多款來自法國嘅花藝甜品，一場嚟到，當然要試下。選了泡沫咖啡慕絲 (+$18/跟餐) 同紅桑子草莓提拉米蘇 (+$18/跟餐)。兩款蛋糕，各有三層，前者由芝士忌廉、咖啡慕絲及餅底組成；而後者就由酸酸的紅桑子、甜甜的草莓同香脆的餅底拼湊。兩款味道也不俗，不過個人就比較喜愛紅桑子草莓 Tiramisu，酸甜層疊交錯，予人清新的感覺，滋味無窮。雖然到訪這晚是平日，但臨走時見餐廳已經幾乎坐滿食客，看來人氣亦不俗。
張貼
