影片
更多
2017-08-16
572 瀏覽
剛轉換工作到呢區，同事特意安排「榮哥」為我洗塵，工廈內美食匯聚，而「榮哥」亦係區內較高質同用心既私房菜，所以一定要去試試！門外裝潢帶點中國風，確為工廈之中增添親切感，門旁都種植左一點蔬菜，同擺放左個大魚缸，令人有種家既感覺。小店相當貼心，原來一早為訂枱既客人預備一份印有名字既菜譜，同列有當晚安排既菜式，讚！《有機沙律菜拌芝麻醬》貼心的特意安排沙律菜作為頭盤，爽口清脆，新鮮之餘不帶苦澀，加埋芝麻醬，微微酸之中更帶出一份清新開胃之感《涼拌黑木耳》黑醋食得多，返而用麻油點綴既黑木耳比較小食到，麻油味相當香濃，不過，因為小女子係呷醋人，所以比較喜歡以黑醋相拌既木耳《紫薯配鮮淮山》淮山既味道好獨特，如果煮得唔夠經驗，會變得好淡，但榮哥研製既，入口好香芝麻味，同時拌有炸香左既蒜頭，帶出淮山既香味。 紫薯香而不膩，好特別既一道前菜《茶燻流心蛋伴黑魚子醬配厚切茄子》微炸過既茄子，盛著被茶燻過既流心蛋，好吸睛。流心蛋帶有特香既煙燻味，蛋黃同蛋白口感分明，食完之後，茶燻味道仍留有餘香淰身既茄子微微炸過後口感十足，配以微酸及蒜香汁底，亦非常開胃《原盅燉哈密瓜螺頭黑毛豚肉湯》估唔到，原來哈密瓜都可以煲湯？！鮮
剛轉換工作到呢區，同事特意安排「榮哥」為我洗塵，工廈內美食匯聚，而「榮哥」亦係區內較高質同用心既私房菜，所以一定要去試試！
門外裝潢帶點中國風，確為工廈之中增添親切感，門旁都種植左一點蔬菜，同擺放左個大魚缸，令人有種家既感覺。
小店相當貼心，原來一早為訂枱既客人預備一份印有名字既菜譜，同列有當晚安排既菜式，讚！
《有機沙律菜拌芝麻醬》貼心的特意安排沙律菜作為頭盤，爽口清脆，新鮮之餘不帶苦澀，加埋芝麻醬，微微酸之中更帶出一份清新開胃之感
《涼拌黑木耳》
黑醋食得多，返而用麻油點綴既黑木耳比較小食到，麻油味相當香濃，不過，因為小女子係呷醋人，所以比較喜歡以黑醋相拌既木耳
《紫薯配鮮淮山》
淮山既味道好獨特，如果煮得唔夠經驗，會變得好淡，但榮哥研製既，入口好香芝麻味，同時拌有炸香左既蒜頭，帶出淮山既香味。 紫薯香而不膩，好特別既一道前菜
《茶燻流心蛋伴黑魚子醬配厚切茄子》微炸過既茄子，盛著被茶燻過既流心蛋，好吸睛。
流心蛋帶有特香既煙燻味，蛋黃同蛋白口感分明，食完之後，茶燻味道仍留有餘香
淰身既茄子微微炸過後口感十足，配以微酸及蒜香汁底，亦非常開胃
《原盅燉哈密瓜螺頭黑毛豚肉湯》估唔到，原來哈密瓜都可以煲湯？！鮮甜非常，比起一般飲到既木瓜湯更入味，肉汁完全同湯混為一體，濃而不膩，一試愛上！
《蝦球水芙蓉》水芙蓉更畫龍點睛，好似一幅畫一樣，濃濃高湯淋上蒸蛋白上，令味道更添層次
爽口肉厚大蝦球上，原來有炸香左既薑絲，意想不到既配搭，突出左蝦既鮮味
《蒜香芝士焗老外蠔王》我同同事都嘩左一聲，因為真係好靚，連排列都好講究
份量亦唔小！遠處已聞到啖啖芝士焗蠔既香味，蠔唔會因為焗所以縮細，而且芝香味滲透蠔肉，還食到一陣海水鮮味。
《遠年新會陳皮骨》呢一度菜非常值得推介， 內涵十足， 外表好似乾咗啲 但咬落去啖啖肉汁！ 味道分明， 先食到好濃烈陳皮味而一啲都唔澀， 係完全食得出陳皮嘅「年齡」， 肉煮得好香而脆，陳皮味滲透肉內，野味非常
《魚湯浸碧綠溫室菜苗》食左比較多味道較濃既菜，黎個清清地的
呢個味道令我諗起去囍宴食既菜，魚湯鮮甜而不腥，配上菜苗之上，更覺配合。菜苗亦好鮮脆，食唔出青味！
《荷香蒜蓉海斑片原籠蒸鴛鴦飯》一般餐廳都會以炒飯作結尾，但呢度揀左籠仔蒸飯，魚汁充分被飯吸收，而且魚肉嫰滑，啖啖蒜香，不過同鴛鴦飯既口感有個對比，可能個人口味感覺海斑片同白飯比較配。
《精心甜鮮果匯拼盆》無論由頭盆，到果盆，都令我覺得榮哥係相當講究，因為連生果都好鮮甜！為呢餐飯畫上完美句號
呢度既食物質素同味道相當有實力，而且店員細心及親切，好值得推介！下次我會帶埋媽媽黎試！佢一定會好開心！
張貼
