URBAN Cafe (駱駝漆大廈第一座)

營業中

休息中

今次同朋友嗌咗個二人套餐，$328，感覺抵食啲。是日餐湯 & 是日沙律今日提供咗南瓜忌廉湯，質地好綿密，仲會食到南瓜蓉，味道甜甜地。沙律好清新，啲菜好爽。沙律醬夠晒多，配料仲有菠蘿同車厘茄。即磨芝士黑松露菠菜大啡菇意大利飯個飯都幾大，碟邊有芝士碎，食嗰陣可以撈埋一齊。意大利飯質地好好，夠晒creamy。黑松露味幾香，而且有好多片大啡菇，好味！安格斯牛肉手工竹炭漢堡配薯角裏面有竹炭漢堡、安格斯牛肉、黑松露燒汁、車打芝士、蕃茄同萵苣。我第一次食竹炭包，黑忟忟。牛肉扒都幾大塊、幾厚，肉味濃。加入蕃茄，成個包好Juicy! 旁邊嘅薯角都係一大重點，大大嚿，又好脆，點埋茄汁簡直一流。百香果蜂蜜梳打我同朋友都一齊揀咗少甜。飲品有氣，超爽！百香果味幾清新，底下仲有啲爆珠，好特別。貓罐頭見到隔離檯喺度餵貓貓，我都忍唔住餵埋一份！啲貓會沖曬過嚟等食，我嘅陣就借啲意同佢地合照，仲偷偷地攬佢地🤣，好開心。