更多
2019-11-01
435 瀏覽
就嚟冬天就心思思想食粥底火鍋，咁啱係公司附近新開咗呢間發哥，放工一於拉埋同事去食！店舖日頭係 360冰室，夜晚就變做海鮮粥底火鍋！環境方面，好欣賞佢啲桌放得好疏，坐得好舒服😌今次我係叫龍蝦餐$288，每人有半隻龍蝦🦞，一隻鮑魚，其餘有6款海鮮，1份牛肩肉！再加自選8款火鍋配料+燉湯+焗青口，同埋最後個粥！唔係講少，真係有超級多嘢食，出去買都唔只呢個價，好抵食啊！竹蔗水係任飲嘅，唔係好甜，飲多幾杯都無咩負擔😎個燉湯超級足料，啖湯好甜啊！絕對唔係hea你果啲例湯～蒜蓉泰醬焗青口因為我本身唔係好鍾意食青口，所以對呢個餸冇咩期待～估唔到超驚喜！泰式辣醬同青口好夾～鮑魚可以揀新鮮鮑魚或者冰鎮鮑魚，個人比較推薦冰鎮鮑魚！好入味，甜甜地咁 口感又好！海鮮都好新鮮，龍蝦好多膏！蟶子同帶子都大大隻好滿足，而且所有貝類都洗得好乾淨一粒沙都冇，抵讚👍🏻👍🏻👍🏻而肉類都非常唔錯～到重頭戲粥底啦！真係非常之鮮甜，我哋飽到上心口都忍唔住每人食咗碗～其他就外賣拎走，聽日再食過～
環境方面，好欣賞佢啲桌放得好疏，坐得好舒服😌
今次我係叫龍蝦餐$288，每人有半隻龍蝦🦞，一隻鮑魚，其餘有6款海鮮，1份牛肩肉！再加自選8款火鍋配料+燉湯+焗青口，同埋最後個粥！唔係講少，真係有超級多嘢食，出去買都唔只呢個價，好抵食啊！
竹蔗水係任飲嘅，唔係好甜，飲多幾杯都無咩負擔😎
個燉湯超級足料，啖湯好甜啊！絕對唔係hea你果啲例湯～
蒜蓉泰醬焗青口
因為我本身唔係好鍾意食青口，所以對呢個餸冇咩期待～估唔到超驚喜！泰式辣醬同青口好夾～
鮑魚可以揀新鮮鮑魚或者冰鎮鮑魚，個人比較推薦冰鎮鮑魚！好入味，甜甜地咁 口感又好！
海鮮都好新鮮，龍蝦好多膏！蟶子同帶子都大大隻好滿足，而且所有貝類都洗得好乾淨一粒沙都冇，抵讚👍🏻👍🏻👍🏻
而肉類都非常唔錯～
到重頭戲粥底啦！真係非常之鮮甜，我哋飽到上心口都忍唔住每人食咗碗～其他就外賣拎走，聽日再食過～
張貼
