菊月町 (已搬遷) 新店位置

係觀塘碼頭附近見到呢間餐廳幾特別，原來係食鐵板燒同 omakase 👨🏻‍🍳見到佢有一個鐵板燒套餐幾吸引！$688兩人餐入到到餐廳，幾有特色。對住師傅坐，可以欣賞下佢既煮藝😬啲餐具都好靚😸前菜沙律🥗加了胡麻醬，很開胃又清爽。見到師傅為我們準備食材，一路睇佢煮，一路嗅到啲香味，睇到流哂口水🤤🤤燒銀鱈魚🐟好鐘意食銀鱈魚，魚肉特別滑而且燒完好香！又無骨😋可以放膽食用。廣島燒蠔😋粒粒肥大飽滿，將啲煙肉櫻花蝦放係蠔上面一齊食，味道更好味，口感豐富有層次，燒蠔不會燒到好乾身，食落juicy重海水味，加上櫻花蝦既味道，更加惹味！再吃燒黃瓜🥒可去一去油膩感。之後就是我期待既燒鵝肝 喇😍剛煎好既鵝肝放上多士上，等啲鵝肝油滲透落多士上😍正呀！鵝肝食落好juicy,外脆內軟既感覺，入口溶化，非常之邪惡又好味！美國安格斯牛扒🥩唔會話煎到好熟，牛味濃重，加點脂肪位，更加嫩肉又香口。食到有啲膩，剛好有炒雜菜同昆布湯，又可以減減油膩👍最後就送上最後一道菜：炒飯🍚食完都好飽好滿足。