影片
更多
2024-02-29
13 瀏覽
等仔仔上興趣班落堂，上網見到附近呢間台式小店OpenRice 訂座有🚨九折（仲冇加一）🚨加埋見幾多好評一於去試吓先. 去到滿座要等幾張枱，咦，係喎，星期六區內應該仲有不少人返工. 望下餐牌價錢經濟實惠而且好吸引😍難怪咁多人. 部份飲品做緊特價，低至十幾蚊就有杯古早奶茶/ 紅茶等🤑🤑仲平過買街鋪珍奶店，想健康啲都有啲養生飲品. 食物方面有小食同飯類便當等，飯有牛肉魯肉排骨手撕雞便當等每個類別都有幾個不同款式加埋共三十多款可供選擇真係試多幾次都唔悶呀🤩正，可以做飯堂～大人小朋友都啱食#芝芋頭鮮奶標榜全人手手工製作，芝士奶蓋配上香濃芋頭仲有滑滑鮮奶，好有層次俾到味覺多重享受，每啖嘅比例都唔同㗎，難得飲落唔會太甜唔膩. #吉吉冬瓜茶餐廳不定期推新款飲品俾新意大家，今次呢個吉吉冬瓜茶係新年限定款，冬瓜茶內有好多新鮮桔仔肉，加埋個囍字，超好意頭. 另可加配芝士奶蓋，夠特別呀真係估你唔到，夠創意. 出面冇㗎. #脆炸鮮奶卷配古早芋泥二文治餐廳特色必選，炸鮮奶唔係咁多地方有梗係要叫啦，表面炸得香脆咬落咇曬流心鮮奶出嚟，好正. 芋泥夾餅非常足料，咬落啖啖芋香，餅乾脆卜卜同棉密芋泥質感形成對比鮮明. #
#芝芋頭鮮奶
標榜全人手手工製作，芝士奶蓋配上香濃芋頭仲有滑滑鮮奶，好有層次俾到味覺多重享受，每啖嘅比例都唔同㗎，難得飲落唔會太甜唔膩.
#吉吉冬瓜茶
餐廳不定期推新款飲品俾新意大家，今次呢個吉吉冬瓜茶係新年限定款，冬瓜茶內有好多新鮮桔仔肉，加埋個囍字，超好意頭. 另可加配芝士奶蓋，夠特別呀真係估你唔到，夠創意. 出面冇㗎.
#脆炸鮮奶卷配古早芋泥二文治
餐廳特色必選，炸鮮奶唔係咁多地方有梗係要叫啦，表面炸得香脆咬落咇曬流心鮮奶出嚟，好正. 芋泥夾餅非常足料，咬落啖啖芋香，餅乾脆卜卜同棉密芋泥質感形成對比鮮明.
#熔岩蛋之戀
個名咁特別原來係拉絲芝士火腿蛋餅，好邪惡呀. 面頭鋪滿千島醬及脆脆蒜粒，蛋皮薄煎得而香口煙韌，內藏熱辣辣半溶芝士同火腿，好滋味.
#芒果魯肉飯
驚喜之作，賣相好色彩，魯肉肥瘦比例剛好又入味，最估唔到魯肉飯可以同鮮甜清新芒果🥭撈埋一齊又出奇地夾，另外有菜甫同蔥食落口感更加豐富. 可要求少飯多飯滿足不同胃口所需. 多飯都唔洗加錢，筍呀❣️
#牛肉汁煮風琴豆腐
大串豆卜掛滿牛肉汁好惹味，一串只售$12，就咁食同送飯都得.
#台北夜市小食拼盤
一次過滿足三個願望😋 有齊台灣腸、花枝丸、鹽酥雞，好似去左夜市咁. 椒鹽調味得宜同炸得出色唔乾唔鞋絕對水準之上.
食左咁多埋單先二百幾蚊超高性價比. 小店係幾個九零後生仔開，佢哋都好有心用勁優惠價錢益打工仔同街坊，抵讚🫶🏻要支持下💪🏻除左OP 訂座惠，follow 佢地社交平台 都可以2:30 後享有九折㗎. 去開嘅朋友仔記得去試吓嗱😋
張貼
