一本食堂

營業中

休息中

鴻圖道30號呢度嘅素食店原來已經變左日本餐廳「一本食堂」，裝修好大分別，有好多櫻花🌸，仲有好多日本酒🍶，場地好大，目測可以坐到接近100人。餐牌密密麻麻，種類繁多，仲有素食選擇。最近開業所以有特價🈹️引，幾抵食。三文魚、油甘魚、鮮帶子、北寄貝、北極翡翠螺刺身 $48呢個就係其中一個特價選擇，本身散叫油甘魚3片已經$45，宜家$48已經有2片，仲有其他刺身，真係勁抵💰。味道方面正正常常，而且都厚切。芥末醬焗帆立貝 $13呢款亦係特價，勁大粒帆立貝！芥末係帶甜，唔會好辣，配合得好好。鹽燒豚肉 $18呢度嘅串燒都幾大份量🍢。豚肉嘅脂肪同肉嘅比例係一半半，肉就唔算好軟腍，不過味道唔錯。炭燒雞肉串 $18個醬鹹鹹地，🐔雞肉亦比較瘦嘅部份。雞肉係原塊差上足籤上面，好大件！什菜天婦羅 $38外面炸得酥脆，有冬菇、🎃南瓜、🍠蕃薯、豆等等，仲有麵條炸成嘅一把「扇」，令擺盤美感提升！福神卷 $50呢個勁大份，下次真係要叫少飯🤣點呢款因為唔知咩叫福神卷。原來就係有玉子、🥒青瓜、蟹柳，仲有魷魚🦑碎係面，外面用青苔裹飯，幾特別～呢度新開業仲送糖水🥣，有呢個凍食嘅紅豆沙。觀塘人又多一間抵食日本菜考慮喇。