影片
更多
2018-07-07
383 瀏覽
同事話尋晚食過一間喺觀塘工廠區嘅上樓私房菜， 我臨去之前佢重溫馨提示我， 叫我千祈唔好俾地下工廠大廈嘅格局嚇到，話呢度其實係禾稈冚珍珠，果然，等lift嗰陣已經見到四個西裝筆挺嘅銀髮男人，目測應該全部都年過五十，見佢哋左手一支紅酒，右手一盒雪茄，應該係一群相當有品味嘅中佬，令我對此行更加期待。對餐廳既環境本來無乜期望，但係入到去發覺格局企理，寬敞舒適，並無好似坊間其他私房菜咁當啲客係沙甸魚；木色既枱櫈配襯番木色既牆身，簡約得嚟又帶點和諧；另外仲設有大廳同偏廳，提高私隱度；一早同老板溝通好想食既菜式同埋問咗有咩推介，嚟之前已經定好咗菜單，嚟到嗌聲人齊上菜就得。什菌豆腐大蜆湯，好快個大蜆湯已經送上，奶白色既湯頭，一睇就知堅料，一啖入口，鮮甜無腥味，大蜆嘅鮮甜味融入哂個湯入面，湯濃但色清，湯底都完全無沙，混合埋芫荽、菇菌同豆腐嘅香味，非常出色。麻辣手撕雞，手撕雞沾滿麻辣醬汁，先辣後麻，層次分明；手撕雞連皮帶脂肪，肉質嫩滑，配以青瓜絲同埋雲耳，倍添爽口，麻辣之味並不過搶，唯獨略嫌鹹咗少少，搭埋清爽嘅青瓜一齊食，味道會更加好。大肉蟹一只，可以揀花雕雞油蛋白蒸，避風塘炒，薑蔥炒，胡椒炒同埋四川香辣
對餐廳既環境本來無乜期望，但係入到去發覺格局企理，寬敞舒適，並無好似坊間其他私房菜咁當啲客係沙甸魚；木色既枱櫈配襯番木色既牆身，簡約得嚟又帶點和諧；另外仲設有大廳同偏廳，提高私隱度；一早同老板溝通好想食既菜式同埋問咗有咩推介，嚟之前已經定好咗菜單，嚟到嗌聲人齊上菜就得。
什菌豆腐大蜆湯，好快個大蜆湯已經送上，奶白色既湯頭，一睇就知堅料，一啖入口，鮮甜無腥味，大蜆嘅鮮甜味融入哂個湯入面，湯濃但色清，湯底都完全無沙，混合埋芫荽、菇菌同豆腐嘅香味，非常出色。
麻辣手撕雞，手撕雞沾滿麻辣醬汁，先辣後麻，層次分明；手撕雞連皮帶脂肪，肉質嫩滑，配以青瓜絲同埋雲耳，倍添爽口，麻辣之味並不過搶，唯獨略嫌鹹咗少少，搭埋清爽嘅青瓜一齊食，味道會更加好。
大肉蟹一只，可以揀花雕雞油蛋白蒸，避風塘炒，薑蔥炒，胡椒炒同埋四川香辣炒，因為上個禮拜食咗個花雕雞油蛋白蒸蝦，所以今日放棄咗我至愛嘅蛋白蒸，除咗避風塘同薑蔥炒之外，揀咗比較少地方有得食嘅胡椒炒，貪佢夠惹味，胡椒香得嚟個味道又唔會太搶，就算揀咗黑椒炒都依然能夠食到蟹嘅鮮味，師傅嘅功力認真深厚。
蒜蓉粉絲蒸蟶子皇3只，蟶子皇非常大隻，大大話話都有成呎長，蟶子口感新鮮彈牙，面頭鋪滿生熟蒜一齊蒸，加埋墊底嘅粉絲，索盡蟶子嘅精華，從來，食蒸扇貝或者蟶子一類，粉絲都係相當精彩嘅一環。
菊子魚，需要廚師手工技藝出衆既手本名菜，東星12兩拆骨起肉，雕成菊花造型炸至酥脆，面頭淋上柚子汁，柚子既酸香味道突出，賣相絕對能登大雅之堂。要將魚肉做成菊花狀，肉質必須夠厚，加上師傅刀工細緻，魚肉件件厚薄大小平均，係名副其實既功夫菜。
士多啤梨骨，士多啤梨骨意念創新，顏色相當誘人，甜酸既士多啤梨醬同排骨十分合拍，風味清新，夾雜住士多啤梨肉一齊食，更能領略到箇中既精髓。
金絲翡翠鳳尾蝦3只，呢一碟都算係幾特別嘅一道，先將底下嘅絲瓜蒸至腍身，上面再放上鮮蝦，魚翅同埋金華火腿吊味，再打上一個薄薄嘅玻璃芡，清清地得嚟都相當之唔錯。
蟹油銀芽炒麵，基本嘅銀芽炒麵，能夠拿捏到色香味，經已完勝，再加埋少少蟹油嘅香味，作為最尾一道菜我地都停唔到口啊。
甜品，甜品係馬豆糕，賣相十分精美，上面鋪滿士多啤梨同埋藍莓，啡色嗰啲係紅豆蓉，紅豆被煲至極度軟腍，帶有少少嘅甜味，就好似紅豆冰入面啲紅豆咁，非常之好味。
總括來說，認真不枉此行，海鮮新鮮，烹調功夫了得，菜式蘊含創意，係食得出既大師功架，喺傳統既味道加進新意，令人感覺如沐春風，相信我好快又會再嚟。
張貼
