魔膳廚房 (已結業)

觀塘工廈一向多嘢食，而男人長期係呢一區工作，成日都會捐窿捐啦搵嘢食，今日佢帶咗過嚟呢一間位於觀塘工廈嘅M S kitchen餐廳位置10分方便，位於觀塘地鐵站鱷魚恤大廈出口一出唔使2分鐘就到，餐廳佔地超廣，一入去仲見到有自助沙律吧添，真係口水都流埋餐湯有紅湯同白湯白湯係雜菌忌廉湯，雜菌忌廉湯超多雜菌蓉，香菌味濃郁而紅湯係雜菜湯，酸甜度適中，令人開胃。麵包外脆內軟，而且熱辣辣，配上牛油，好好味卡邦民意粉（$128）意粉口感爽口彈牙，煮意粉時間控制得10分好，而意粉醬汁超香煙肉味，而醬汁濃稠度亦10分適中，每條意粉都有意粉醬掛住，食落過癮。德國烤原隻豬手配薯角跟黑椒汁（$186）呢隻豬手雖然唔係脆皮，但係豬皮Q彈爽口，豬手肉嫩滑多汁，而且仲拆埋骨啖啖肉，配埋個黑椒醬食真係滋味無窮。豬手一向比較油，配埋德國酸菜一齊食，解膩又吊味，一絕而家新張期內，只要響OpenRice收藏左呢間餐廳，跟套餐加一蚊就可以配小食，超級抵呀。