更多
2019-09-19
4106 瀏覽
餐廳：丼瀛 (觀塘)地址：觀塘巧明街109號榮昌工業大廈5樓A室除左係商場覓食，最近多左個興趣就係係工廈嘅角落到搵好西去食，支持下本地社企、小型餐廳，身為一個觀塘區嘅巴打，住左咁多年都仲未食勻觀塘嘅美食，所以決定又再幫自己嘅checklist劃多個剔 近住APM鱷魚恤中心出口嘅巧明街有唔少嘅食肆，因為家姐係附近返工嘅關係，好多時佢都會係附近食lunch，佢提過有時都會去榮昌工業大廈5樓嘅丼瀛買lunch黎食，一黎佢鍾意食日本菜，二黎外賣嘅話午餐丼飯價錢好平，佢講到咁好食，又未試過堂食，所以夜晚就決定同佢黎食個晚食海之幸丼 $178剩係見到餐廳名都知黎到呢到一定唔可以唔試佢地嘅丼飯啦，呢個海之幸丼有三文魚、赤身、油甘魚、赤蝦、三文魚籽同海膽六款刺身海鮮，每一件刺身片都非常肥美新鮮咁岩餐廳呢排推介時令海膽，所以今餐都特別叫得多有海膽嘅食物，當中包括碎蔥吞拿魚腩海膽卷($78)同時令魚甜蝦海膽卷($78)。吞拿魚楠被整成魚肉碎，吞拿魚楠嘅油脂滲出而香味更加強烈，時令魚甜蝦海膽卷用上油甘魚包住甜蝦再係面頭加上海膽，估唔到呢個食法又幾好味，魚、蝦、海膽三鮮嘅鮮味環環相扣，味道層出不窮香桃三文魚米
地址：觀塘巧明街109號榮昌工業大廈5樓A室
除左係商場覓食，最近多左個興趣就係係工廈嘅角落到搵好西去食，支持下本地社企、小型餐廳，身為一個觀塘區嘅巴打，住左咁多年都仲未食勻觀塘嘅美食，所以決定又再幫自己嘅checklist劃多個剔
近住APM鱷魚恤中心出口嘅巧明街有唔少嘅食肆，因為家姐係附近返工嘅關係，好多時佢都會係附近食lunch，佢提過有時都會去榮昌工業大廈5樓嘅丼瀛買lunch黎食，一黎佢鍾意食日本菜，二黎外賣嘅話午餐丼飯價錢好平，佢講到咁好食，又未試過堂食，所以夜晚就決定同佢黎食個晚食
海之幸丼 $178
剩係見到餐廳名都知黎到呢到一定唔可以唔試佢地嘅丼飯啦，呢個海之幸丼有三文魚、赤身、油甘魚、赤蝦、三文魚籽同海膽六款刺身海鮮，每一件刺身片都非常肥美新鮮
咁岩餐廳呢排推介時令海膽，所以今餐都特別叫得多有海膽嘅食物，當中包括碎蔥吞拿魚腩海膽卷($78)同時令魚甜蝦海膽卷($78)。
吞拿魚楠被整成魚肉碎，吞拿魚楠嘅油脂滲出而香味更加強烈，
時令魚甜蝦海膽卷用上油甘魚包住甜蝦再係面頭加上海膽，估唔到呢個食法又幾好味，魚、蝦、海膽三鮮嘅鮮味環環相扣，味道層出不窮
香桃三文魚米紙卷 $68米紙卷煙韌皮薄，本身無色無味，不過配上鮮甜嘅香桃、同色系嘅三文魚仲有沙律菜，健康得黎又夠fresh
除左叫生冷食物之外，仲叫多左串大蔥黑豚肉($28)同雞軟骨($21)，兩款燒物經鹽燒過後惹味吸引，加上檸檬汁感覺食燒烤食物都無咁熱氣，亦都能將肉嘅味道昇華
張貼
