鰹烏冬 (駱駝漆大廈第三座)

營業中

休息中

話說今日兩點幾有少少肚餓，就去駱駝漆中心搵嘢食。去到駱駝鐘度駝漆中心樓下，排隊搭電梯嗰條人龍，真係名不虛傳，起碼等咗十分鐘以先上到去。去到叫咗佢個50蚊嘅下午茶餐再加一隻流心蛋。今次叫咗佢個天婦羅蝦烏冬，首先飲佢一啖湯個湯，好清甜，可以飲曬成碗🤤再嚟試一試佢個天婦羅炸蝦，真係啱啱炸起，差啲畀佢辣親個嘴，隻蝦亦都好爽好好食。佢個烏冬亦都好有咬口十分彈牙，唔似出面食嗰啲一pat pat咁，冇嚟口感。最後不得不提嘅一定係佢個流心蛋，恰到好處，亦都有酒嘅香味。