152
44
6
港鐵觀塘站 B2 出口, 步行約4分鐘 繼續閱讀
所有分店 (4)
電話號碼
52262241
附加資料
堅持每日新鮮製造烏冬及湯底。
營業時間
今日營業
11:30 - 21:30
星期一至四
11:30 - 21:30
星期五
11:30 - 22:00
星期六
11:30 - 21:30
星期日
11:30 - 17:00
*最後落單時間: 星期一至四及六 21:00; 星期五 21:30; 星期日 16:30
付款方式
Visa Master AlipayHK 支付寶 現金 八達通 銀聯 Apple Pay OpenRice Pay
座位數目
70
其他資料
自帶酒水
外賣服務
當面支付
食評 (238)
呢一間鰹烏冬好出名食日式烏冬,佢哋嘅烏冬係日本讚岐烏冬,每日喺觀塘嘅廠房都自家製,非常新鮮㗎,咁一定要支持香港本土製造烏冬嘅!🍴 夏一烏冬 $55 (7.5/10)夏一烏冬係凍嘅,有蛋黃,蔥花,芝麻,紫菜,青瓜,檸檬,蒜蓉,再加個冷麵酸汁,聽落已經好啱夏天食,凍凍地又酸酸地好開胃,口感好清新,蛋黃撈勻咗之後唔覺得有蛋黃嘅香味,可能比酸汁蓋過咗。烏冬係比較粗身,偏硬,口感好煙韌好彈牙,食唔到烏冬麵粉嘅香味,食唔到麥味。烏冬嘅份量都好多,好抵食,食一個都覺得太飽🤣 $55價錢都唔係平,支持本土自家製都值得,但食落未到好驚艷,但都唔錯嘅!🍴 骨付鷄 $34 (7/10)雞髀好大一隻,見到上網評論話佢好香滑好香口,但我今次食嘅雞髀肉就唔係好嫩滑,好似煮得比較耐咗啲,有少少硬同口感紮實,但都未去到好乾好柴口,但絕對係一個普通嘅雞髀,唔係好食。味道係有少少辛辣粉再加蒜香嘅味道,都幾香口嘅,但如果雞髀肉滑啲有肉汁會高分好多。推薦指數: 7/10夜晚去都好多人排隊,烏冬係幾好食嘅,但個餸就一般啦,但價錢都唔算好平,咁樣食都要90幾蚊,但如果要排好耐隊就唔會去食,但試吓都OK嘅。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-08
4919 瀏覽
每次經過鰹烏冬 都係排晒隊大人氣🔥某星期六下午兩點到達 等左未夠十分鐘就有位✌🏻無限時 但人齊先入得👏🏻環境幾寬敞 定價合理 無加一服務費單單係烏冬已經有熱有凍有湯有拌 有粗有幼 任你選擇!配搭既食物就只有五款揀亦有照顧到素食者既要求🥰店家自設麵廠 製作讚岐烏冬🤭正正就係餐廳旁邊既麵廠工場日日新鮮製作手打讚岐烏冬供應比其餘佐敦及長沙灣分店品質有保證且新鮮🤩難怪烏冬煙韌得黎咁彈牙!❝ 拌蛋烏冬 · 骨付雞 $78 ❞自以為係自己篤爆粒蛋黃,點知原來係已拌好😅拌蛋烏冬採用日本雞蛋、牛油、胡椒汁及蔥撈勻,烏冬當然又滑又香,口感煙韌滑溜,的確好味道👍🏻食史跟風選擇左大人氣既骨付雞!黎到係隔住口罩都索到香噴噴🤩omg 雞髀大大隻,面頭既七味粉及底下海量蒜蓉係香味既源頭、亦係好味之處!雞髀處理得非常非常嫩滑juicy到不得了🥰雞骨都要「選」得乾乾淨淨先肯收手?收口?🤣haha❝ 鰹魚湯白味噌鍋仔燒烏冬 · 味噌焗鯖魚 $108 ❞鍋仔燒熱焫焫🤩配料都唔敷衍,竹輪、牛肉、冬菇、甘筍等,最吸睛莫過於篤爆日本雞蛋再撈起果刻😳烏冬order左要稔啲亦相對做到,使用鰹魚湯味道清澈而不濁。另配蘊含豐富omega-3既鯖魚,魚皮焗得略帶香脆,肉質嫩滑而且完全唔會乾!!😋 鮮甜味美無誤,讚好呢一切👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-27
17 瀏覽
一早已聽過人哋話呢間手打烏冬好出名,今日到觀塘終於有機會一試,因為今日太晏先食飯,所以好晏先至食得落,8點令打黎問幾時last order,好在仲趕得切搭「尾班車」,不過好可惜我一直想試嘅海苔烏冬就sold out,侍應姨姨就話好早就賣曬,下次過黎前可以打電話留定,唯有下次再試啦,於是叫左個冷竹簾烏冬原味配骨付雞,係冷烏冬黎,配上鰹魚汁同wasabi&蔥花&白芝麻粒,個人認為如果有埋天婦羅碎就更好,烏冬果然非常彈牙,不過醬汁一般,溫度可以再凍d,反而骨付雞有驚喜,鮮嫩多汁,外皮焦香,令人胃口大開。 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-25
0 瀏覽
#frostie觀塘之旅  ✅ #鰹烏冬 📍美食探險👉 @frostiewithfood - 🔥觀塘高質手打烏冬🔥 呢間位於觀塘嘅餐廳主打日式手打烏冬,有冷熱烏冬兩種,出名其煙韌口感🤤仲有多種特別口味嘅烏冬,例如海苔、抹茶🍵等等,睇落都好吸引,有不同配搭任君選擇🥳 我個日同朋友大概等咗15分鐘就入到去~不過餐廳環境就比較逼狹💦   🍜 《#鰹魚湯咖喱烏冬配關東煮》$76 個日去試呢間餐廳仲係喉嚨痛😭所以就無叫到最出名嘅骨付雞,唯有下次再試喇~講返個烏冬先,烏冬夠曬煙韌彈牙❤️咖喱湯雖然睇落好似唔係好濃稠,但其實帶有濃厚咖喱味,最滿足嘅地方就係食每一啖烏冬都掛滿香濃咖喱汁🥰不過記得趁熱食,凍咗啲咖喱汁就開始油水分離咁🤣🤣  而關東煮🍢食落去主要係鰹魚湯味,一碗已經有多款豐富食材,包括蛋🥚、蘿蔔🥕、竹輪等,值得一讚嘅係所有食材都好入味⭐️特別係蘿蔔吸曬湯底嘅味道,而且無根!平時唔鍾意白蘿蔔嘅我表示驚喜😋🤤  總括而言,想食烏冬嘅強烈推薦呢間餐廳,唔貴之餘質素都有保證😆 分數:3.2/5 - 🏠  鰹烏冬Katsuo Udon  - #foodie #foodiehk #hkfoodie #foodphotography #food #snacks #foodiegram #foodblogger #foodpics  #foodoftheday #fotdhk #katsuoudon #japan #kwuntong #香港美食 #食評 #oden #curry #yummy #udon #觀塘 #鰹烏冬 #觀塘美食 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-23
78 瀏覽
最近天氣悶熱,突然想食冷烏冬,諗起觀塘呢間人氣烏冬店一直未試過,即刻gogogo。可能時間尚早,去到好好彩唔駛點排隊,叫左限量既海苔竹簾冷烏冬,再加左呢度既名物~骨付雞😋因為太多人叫骨付雞廚房出唔切既關係,先上海苔烏冬。烏冬呈淡淡既綠色,第一啖試原味唔沾汁,海苔味唔係好食得出,不過烏冬彈牙,凍食口感好好,沾埋個冷麵汁好好食😋骨付雞過左一陣就補上,熱辣辣勁多汁好juicy,用左七味粉同好多蒜蓉,醃得好惹味🤤好味到掛住食唔記得左影相(笑)朋友就叫左天婦羅廣島牡蠣半湯烏冬,問左店員半湯烏冬有D似濕撈麵既食法,熱食既烏冬同凍食好大分別,少少彈牙得黎仲好滑。湯汁有D似鰹魚昆布煮成,甜甜地幾好夾撈烏冬。廣島牡蠣天婦羅炸粉唔會太厚,入面keep到蠔既軟嫩,而且份量都幾多,算幾抵食👍難得黎到叫多個冷豆腐小食,豆腐軟滑唔駛講,加埋少少薑蓉同蟹子,好岩呢個天時食😋工廈食店既裝修簡約,但佈置用心,好似日本D小店咁,好有親切感。店員雖然好忙但服務態度都好好,好細心咁留意到顧客需要,有機會會再黎試下其他口味既烏冬😋 繼續閱讀
(以上食評乃用戶個人意見 , 並不代表OpenRice之觀點。)