影片
更多
2016-11-24
824 瀏覽
今日同大家分享既係小奢侈大享受既日本料理餐廳 - 掌壽司。一如我過往所講，觀塘工廈區有不少卧虎藏龍既高質食店，而且價錢比旺區如銅鑼灣尖沙咀更討人歡心。掌壽司位於駱駝漆大廈，係觀塘地鐵站B1出口行過黎5分鐘到，都算方便。門口高高掛起掌壽司個祖紅色招牌，一定唔會行過龍8:30 一入到去見到幾乎全場滿座但再望一望個手機日期，係星期三平日黎喎！好彩小編貪小便宜見到openrice話訂位有9折先可以後顧無憂咁有位食飯望一望個推介餐牌，你有沒覺得有啲古怪？就係點解有啲菜式會刪走左既！！？一細問之下，原來係某啲空運到港既刺身太好賣，已經當晚清空好在另一個推介餐牌鍋物仲有貨，當然即刻點個海鮮鍋試下啦最後，經店員推介，點左一份三式刺身同海鮮鍋。1/ 前菜- 涼拌大豆芽 （免費贈送）這款前菜食落帶少少辛辣，再配上甘香的芝麻粒，味道同質素完全意料之外。值得一提的是，獨特的醬汁味完全沒有蓋過豆芽既鮮甜味，反而互相補足，使兩種口感融為一體！2/ 油甘魚、刺魚、赤貝刺身 HKD138聽店員講，餐廳每星期都會由日本築地、北海道、和歌山等地空運新鮮海產到港，對品質要求十分高今日點左本人至愛油甘魚再配兩款店員推介海產-
一如我過往所講，觀塘工廈區有不少卧虎藏龍既高質食店，而且價錢比旺區如銅鑼灣尖沙咀更討人歡心。
掌壽司位於駱駝漆大廈，係觀塘地鐵站B1出口行過黎5分鐘到，都算方便。
門口高高掛起掌壽司個祖紅色招牌，一定唔會行過龍
8:30 一入到去見到幾乎全場滿座但再望一望個手機日期，係星期三平日黎喎！
好彩小編貪小便宜見到openrice話訂位有9折先可以後顧無憂咁有位食飯
望一望個推介餐牌，你有沒覺得有啲古怪？就係點解有啲菜式會刪走左既！！？
一細問之下，原來係某啲空運到港既刺身太好賣，已經當晚清空
好在另一個推介餐牌鍋物仲有貨，當然即刻點個海鮮鍋試下啦最後，經店員推介，點左一份三式刺身同海鮮鍋。
1/ 前菜- 涼拌大豆芽 （免費贈送）
這款前菜食落帶少少辛辣，再配上甘香的芝麻粒，味道同質素完全意料之外。值得一提的是，獨特的醬汁味完全沒有蓋過豆芽既鮮甜味，反而互相補足，使兩種口感融為一體！
2/ 油甘魚、刺魚、赤貝刺身 HKD138
聽店員講，餐廳每星期都會由日本築地、北海道、和歌山等地空運新鮮海產到港，對品質要求十分高今日點左本人至愛油甘魚再配兩款店員推介海產- 刺魚同赤貝。
油甘魚唔算係香港人主流既刺身選擇，唔似得三文魚吞拿魚咁大眾化，但其實識食一定係要食油甘魚。圖中閃閃發光的刺身並不是加左特效，而係魚本身既油脂所做成的
這片厚切油甘魚油脂分怖均勻，食落去油而不膩，鮮味十足，帶少少甘甜的味道，口感十分豐富！
而池魚同赤貝刺身都十分新鮮，可見食材品質把關做得非常好！
香港人聽到刺身通常都係會食三文魚居多，但其實刺身既選擇有好多，大家不妨試試其他種類刺身，相信會為自己帶來不少驚喜！
3/ 海鮮燒鍋 二人前 HKD 498
-湯底豆乳湯底聽過，芝士湯底都聽過唔少，但芝士豆漿湯底你又有沒聽過
呢款湯底清甜可口，帶著淡芝士味，絕對唔會芝士味濃到飲兩啖就成個人濟左！
淨係湯都飲左3碗
-豐富蔬菜 （旺菜、皇帝菜、冬菇、金菇同蟹味菇）
真係好難得係街食鍋物有咁多種類型既蔬菜！
最特別莫過於中式火鍋必備既皇帝菜，完美咁與豆漿芝士湯底配合，絲毫沒有不合的感覺！
作為一個蔬菜Lover，真係食到咁多種類菜都好開心
- 主角海鮮 （牡丹蝦、金目鯛魚頭、廣島蠔、魚鮨）
海產又係唔講得笑！通常去日本餐廳都係原汁原味當sashimi 咁食，整熟哂黎食個人比較少試
但係可能真係原料新鮮，加上師傅既巧手，海產既保留到原來鮮美，又食到豆漿芝士味，口感十分豐富！
成隻手咁大size既牡丹蝦蝦頭啲膏十分多，而且味道帶少少漿漿地！
好味到連啲殻都想食埋！
成個鍋最最最like既海產係魚鮨！係入口即溶架！魚肉既鮮美到我寫呢刻都仲回味緊
4/豆腐雪糕 HKD 25
雖然已經好飽，但都想試下其他人推薦既原球進口雪糕作一個perfect ending!綠茶味雪糕可能就食得多，豆腐味就真係試得少！
一試又真係又要心心眼！
豆味好濃，而且絕無死甜感！
強力建議無論你幾飽都要
最後一提，係小客房中見到呢面酒牆真係覺得design得好靚！一問之下，原來係因為老闆係日本酒fans，一直都有儲開酒樽
並唔係用黎賣既（因為一直都沒申請到酒牌）
所以如果想用清酒配日本菜既朋友可能要自備佳酒！
食後有感：
掌壽司原來已經開左三年，但係我都係朋友介紹先有機會試到，之前聽都沒聽過！
係介紹識飲識食既平台都沒介紹過！
有時真係會不禁為呢啲未遇到伯樂既滄海遺珠感嘆一番！
一間咁有heart既食店真係值得一嘗！
唔好以為高水準日本餐廳得港島區先有，有時外形唔多討好既工廈都會尋到寶
希望下次可以早啲收工黎試到個啲售罄既原條魚刺身
最後溫馨提示，訂位有9折
張貼
