魔膳廚房 (已結業)

今日放假同朋友過黎觀塘食午餐，在APM 隔離工廈的魔膳廚房是一個不錯既選擇。在門口行上樓梯見到牆上的圖畫裝飾都好靚，好可愛，是一間很有品味的cafe.餐廳中間是一個沙律吧，午餐套餐可以每位加$20就可以任食沙律吧的前菜沙律。星期六日的午餐餐牌同平日星期一至五的不一樣，可以試下唔同的野食。南瓜忌廉湯，香甜濃郁，有很香的南瓜味。還有鬆軟暖暖的餐包仔，搽上牛油食。香煎美國西冷8安士配薯菜跟黑椒汁，$138, 牛肉都厚實大塊，8安士食落都好夠飽，是用網燒的，令牛扒受熱均勻啲，牛肉都特別嫩滑，鎖住肉汁，新鮮重牛肉味。朋友話依到的甜品是花花裝飾的，我地就叫咗兩個甜品，一上檯見到賣相超靚，側邊仲有花瓣裝飾。泡沫咖啡慕絲，香濃軟滑，入口即溶，有好香的咖啡味。提拉米蘇，面果浸cream 是好香雲呢拿味，軟淋淋，最底是有酒味的蛋糕，質地濕濕地的，咖啡味都很濃。飲品叫咗杯熱咖啡，即磨香甜，滑溜。