影片
更多
2020-05-29
134 瀏覽
最近同事有好消息，所以我同佢放工食餐好、慶祝一下🎊。我哋遠離Office，去咗觀塘區覓食，因為都近大家。佢帶咗我去鴻圖道嘅「菊月町」。餐廳環境唔大，主要都係吧枱座位，另加一張大餐枱。由於座位唔多，加上人氣旺盛，如果要食就最好預先訂台☎️。餐廳用上清酒嘅招紙🍶作點綴，另外亦不乏可愛貓咪嘅蹤跡，連筷子座都係🐱貓仔嚟㗎。同事麻麻地生野，所以我哋點咗鐵板2人前餐，承惠$688，另收加一，每人$380左右。如果以依類菜式嚟講，價錢唔算貴😀。首先係麻醬沙律🥗同海帶湯，味道正常。銀鱈魚🐟及鐵板配菜，依個非常考師傅功架，鱈魚柳魚肉細滑，有油香。配菜就有蘆筍、蘑菇同翠玉瓜。但最精彩嘅係右邊嘅煎魚皮，可觀性高之餘，仲好脆、好香口。廣島蠔，蠔有4隻，旁邊有啲炒蔥、炒蒜粒同煙肉，啱哂連埋蠔一齊食👍🏻。美國安格斯薄切4片，雖則係薄切，但都幾食得出牛味🐮。我相信係牛肉薄切入面啲蔥，我先至會食埋！鵝肝，呢個係全晚最正嘅菜式😋，鍾意食鵝肝嘅朋友大部份時間都會覺得好食，而依到亦唔例外！鵝肝造型係四方體，4粒分別放上4塊麵包上面，呢到鵝肝嘅口感比較特別，外面有啲似豬紅，比較煙韌，入面就好淋、綿綿的，好食🤤！炒飯，一人一碗🍚
餐廳環境唔大，主要都係吧枱座位，另加一張大餐枱。由於座位唔多，加上人氣旺盛，如果要食就最好預先訂台☎️。
餐廳用上清酒嘅招紙🍶作點綴，另外亦不乏可愛貓咪嘅蹤跡，連筷子座都係🐱貓仔嚟㗎。
同事麻麻地生野，所以我哋點咗鐵板2人前餐，承惠$688，另收加一，每人$380左右。如果以依類菜式嚟講，價錢唔算貴😀。
首先係麻醬沙律🥗同海帶湯，味道正常。
銀鱈魚🐟及鐵板配菜，依個非常考師傅功架，鱈魚柳魚肉細滑，有油香。配菜就有蘆筍、蘑菇同翠玉瓜。但最精彩嘅係右邊嘅煎魚皮，可觀性高之餘，仲好脆、好香口。
廣島蠔，蠔有4隻，旁邊有啲炒蔥、炒蒜粒同煙肉，啱哂連埋蠔一齊食👍🏻。
美國安格斯薄切4片，雖則係薄切，但都幾食得出牛味🐮。我相信係牛肉薄切入面啲蔥，我先至會食埋！
鵝肝，呢個係全晚最正嘅菜式😋，鍾意食鵝肝嘅朋友大部份時間都會覺得好食，而依到亦唔例外！
鵝肝造型係四方體，4粒分別放上4塊麵包上面，呢到鵝肝嘅口感比較特別，外面有啲似豬紅，比較煙韌，入面就好淋、綿綿的，好食🤤！
炒飯，一人一碗🍚，唔使驚唔夠飽😂。
炒雜菜，最後食埋菜就搞掂🥦，有我最喜愛嘅木魚絲。由於坐吧台，所以我哋可以近距離見到廚師👨🍳烹調食物嘅過程，為晚餐添上不少樂趣。
總括嚟講，依餐鐵板燒係令人滿足嘅，基本菜式全部都俱備。服務方面，廚師同侍應生都幾友善，後者不斷幫我哋添茶🍵。所以計我話，如果想食日式料理，唔一定要出旺區，觀塘都有。餐廳除咗鐵板燒外，仲有做兩個唔同價錢嘅Omakase！
張貼
