極尚大瀛喜日本料理

營業中

休息中

其實觀塘都幾多嘢食，位於亞太中心5樓嘅極尚大瀛喜日本料理不嬲質素都唔差，之前都有食佢嘅放題，今次食佢嘅lunch set，六十幾七十蚊意識到日式定食，出邊沙律吧可以任食，嘢飲任飲，今次叫極尚三色丼定食，有三文魚刺身、帶子刺身、同埋吞拿魚碎，刺身都幾新鮮，帶子鮮甜。出邊熱食吧仲有炸雞件、蟲草花雞湯。至於沙律吧都係啲基本嘢食，例如泡菜、中華沙律、蜆肉等等。講真呢個價錢食到咁多嘢食都算幾抵，如果胃口冇咁大嘅朋友又想食刺身飯可以試吓呢間。